અંતિમ પરીક્ષા / જીવનનું છેલ્લુપેપર! સાબરકાંઠામાં બોર્ડની પરીક્ષા આપવા જતા વિદ્યાર્થીનું મોત, અચાનક લથડતું બન્યું

ઇડરના એક વિદ્યાર્થીની બોર્ડની પરીક્ષા આપવા જતા માર્ગમાં જ તબિયત લથડતા તેને સારવાર અર્થે ખાનગી હોસ્પિટલ ખસેડાયો હતો. જ્યાં સારવાર દરમ્યાન વિદ્યાર્થીનું મોત થયું હતું.

હોસ્ટેલથી પરીક્ષા કેન્દ્ર જવા નીકળ્યો હતો વિદ્યાર્થી 

ધોરણ 12માં અભ્યાસ કરતો પ્રણય ચૌહાણ નામનો આ વિદ્યાર્થી હોસ્ટેલમાં રહેતો હતો.. સંસ્કૃતનું પેપર હોવાથી તે પરીક્ષા આપવા હોસ્ટેલથી પરીક્ષા કેન્દ્ર જવા રવાના થયો હતો.. આ દરમ્યાન માર્ગમાં જ તેની તબિયત લથડી હતી..જેને પગલે તેને નજીકની ખાનગી હોસ્પિટલમાં સારવાર અર્થે લઇ જવાયો હતો.. જ્યાં સારવાર દરમ્યાન તેનું મોત થયું હતું.

ઇડર સિવિલ હોસ્પિટલ પર શિક્ષકોના ટોળેટોળા ઉમટ્યા 

આ ઘટના બાદ વિદ્યાર્થીના મૃતદેહને ઇડર સિવિલ હોસ્પિટલ ખાતે લઇ જવામાં આવ્યો હતો. જ્યાં શિક્ષકોના ટોળેટોળા સ્થળ પર ઉમટ્યા હતા. આ ઘટનાને પગલે સમગ્ર પંથકમાં શોક વ્યાપી ગયો છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો