હવાઈ હોક્સ / દિલ્હીથી પુના જતી ફ્લાઈટમાં બોમ્બ હોવાનો કોલ મળતાં હડકંપ, મુસાફરોના જીવ થયા અધ્ધર

• ફ્લાઈટમાં બોંબની ખબરની ઘટનાઓ વધી
• હવે દિલ્હીથી પુના જતી ફ્લાઈટમાં બોમ્બનો મળ્યો કોલ
• તાબડતોબ પ્રવાસીઓને ઉતારીને શરુ કરાઈ તપાસ 

પુના જતી સ્પાઈસજેટની ફ્લાઈટમાં બોંબની ખબરે દિલ્હી એરપોર્ટ પર ખળભળાટ મચાવી દીધો છે. દિલ્હીથી પૂના જતી ફ્લાઈટ ઉપડવાની તૈયારી હતી ત્યાં જ તેમાં બોમ્બ હોવાનો ફોન આવતા પ્રવાસીઓના જીવ અદ્ધર થઈ ગયા હતા. ફ્લાઈટ તંત્ર પણ હરકતમાં આવ્યું હતું અને તાબડતોબ મુસાફરોને નીચે ઉતારીને તપાસ શરુ કરી દેવાઈ હતી. 

Call received regarding bomb in SpiceJet's Delhi-Pune flight before take off, plane being searched: Delhi Police

— Press Trust of India (@PTI_News) January 12, 2023

ઉપડતાં આવ્યો કોલ, ઉડાણ બંધ રખાઈ 
બોમ્બનો કોલ મળતાં એરલાઈન્સના અધિકારીઓને ફ્લાઈટને રોકી દીધી હતી અને બોમ્બ સ્કવોર્ડને બોલાવી હતી. પોલીસે એવું જણાવ્યું હતું કે, ફ્લાઈટ ટેક ઓફ થાય તે પહેલાં જ તેમાં  બોમ્બ હોવાનો કોલ મળ્યો હતો. અત્યાર સુધીમાં કંઈ પણ શંકાસ્પદ મળ્યું નથી. 

બોંબની ખબરે ગોવા ફ્લાઈટને જામનગરમાં ઉતારવી પડી હતી
ઉલ્લેખનીય છે કે અઠવાડિયા પહેલા ગોવા ફ્લાઈટને પણ જામનગર એરપોર્ટ પર ઉતારી મૂકવી પડી હતી. આ ફ્લાઈટમા બોંબની ખબરને પગલે તેને તાબડતોબ ઈમરજન્સી ધોરણે લેન્ડ કરી દેવાઈ હતી અને બીજે દિવસે સવારે ઉપડવા દેવાઈ હતી.