- તિસ્તા સેતલવાડને સુપ્રીમ કોર્ટે આપી રાહત
- ગુજરાત હાઈકોર્ટના આદેશ પર સ્ટે મૂક્યો
- હાઈકોર્ટે જામીન અરજી ફગાવી દીધી હતી.
ગુજરાત હાઈકોર્ટે શનિવારે તિસ્તા સેતલવાડની નિયમિત જામીન અરજી ફગાવી દઈને તેમને તાત્કાલિક સરેન્ડર થવાનો આદેશ આપ્યો હતો. હાઈકોર્ટના આ નિર્ણયને પડકારતી સેતલવાડની અરજી પર સુપ્રીમ કોર્ટે શનિવારે સુનાવણી હાથ ધરી હતી. જેમાં તીસ્તા સેતલવાડને રાહત આપી છે. સુપ્રીમ કોર્ટે તિસ્તા સેતલવાડ કેસમાં ગુજરાત હાઈકોર્ટના આદેશ પર સ્ટે મૂક્યો છે. તીસ્તા પર 2002ના ગોધરાકાંડ બાદના રમખાણો સાથે જોડાયેલા કેસોમાં પુરાવા સાથે છેડછાડ અને સાક્ષીઓને ટ્રેનિંગ આપવાનો આરોપ છે.
સુપ્રીમ કોર્ટે અત્યાર સુધી ધરપકડથી રક્ષણ આપ્યું હતું
તીસ્તા પર 2002ના રમખાણોના કેસમાં નકલી દસ્તાવેજો અને એફિડેવિટના આધારે ગુજરાતને બદનામ કરવાનો પણ આરોપ છે. હાઈકોર્ટે સુપ્રીમ કોર્ટમાં અપીલ ન થાય ત્યાં સુધી આ નિર્ણય પર રોક લગાવવાની તિસ્તાના વકીલની માંગને પણ ફગાવી દીધી છે. સેતલવાડને સુપ્રીમ કોર્ટે સપ્ટેમ્બર 2022માં આપેલા વચગાળાના જામીન પર સુપ્રીમ કોર્ટે અત્યાર સુધી ધરપકડથી રક્ષણ આપ્યું હતું, ત્યારબાદ તેમને આ કેસમાં જ્યુડિશિયલ કસ્ટડીમાંથી મુક્ત કરવામાં આવ્યા હતા. સુપ્રીમ કોર્ટે ગુજરાતના તત્કાલિન મુખ્યમંત્રી (હવે વડાપ્રધાન) નરેન્દ્ર મોદીને ક્લિનચીટ આપતા એસઆઇટી રિપોર્ટને પડકારતી ઝાકિયા જાફરીની અરજી પર સુનાવણી કરતા કહ્યું કે તિસ્તા સેતલવાડ પોતાનો સ્વાર્થ સાબિત કરવામાં વ્યસ્ત છે. કોર્ટે સંજીવ ભટ્ટ અને આર બી શ્રીકુમાર મારફતે ખોટી એફિડેવિટ ફાઇલ કરવાનો પણ ઉલ્લેખ કર્યો હતો.
તિસ્તા સેતલવાડ સામે શું છે આરોપ?
વિદેશથી આવેલા ફંડિગમાં ફ્રોડ કર્યાનો છે આરોપ
વિદેશી ફંડિગ મામલે ગુજરાત પોલીસ,CBIએ તપાસ હાથ ધરી હતી
વર્ષ 2013માં તિસ્તા સેતલવાડ વિરૂદ્ધ ફરિયાદ થઈ હતી
ગુલબર્ગ સોસાયટીના 12 રહિશોએ તિસ્તા વિરૂદ્ધ કરી હતી ફરિયાદ
મ્યુઝિયમ બનાવવા જે ફંડિગ ભેગુ કર્યુ તેનો દૂરૂપયોગ કર્યાનો આરોપ
ગુલબર્ગ સોસાયટીમાં મ્યુઝિયમ બનાવવા વિદેશની ફંડિંગ એકઠુ કર્યુ હતું
સ્થાનિકોના આરોપ મુજબ વિદેશી ફંડિંગ તેમના સુધી નહોતુ પહોંચ્યું
તીસ્તાને ગત વર્ષના સપ્ટેમ્બરમાં સુપ્રીમે આપ્યાં હતા જામીન
ગુજરાત રમખાણ સાથે જોડાયેલા કેસમાં ધરપકડ કરાયેલા સેતલવાડને ગત વર્ષે સપ્ટેમ્બરમાં સુપ્રીમ કોર્ટે જામીન આપ્યા બાદ અમદાવાદની સાબરમતી મહિલા જેલમાંથી મુક્ત કરવામાં આવ્યા હતા. તે વખતે કોર્ટે કહ્યું હતું કે, હાઈકોર્ટ તેમના રેગ્યુલર જામીન પર ચુકાદો આપી શકે છે જે અનુસાર હાઈકોર્ટે તેમની જામીન અરજી ફગાવી દીધી હતી.
