ધર્મ / ધનતેરસ જ નહીં, કાલે અને પરમ દિવસે પણ કરો ખરીદી: આખું વર્ષે ઘરમાં રહેશે લક્ષ્મીજીનો વાસ, બની રહ્યો છે શુભ સંયોગ

• દિવાળીના તહેવારને હવે ગણતરીના દિવસો જ બાકી રહ્યા
• 4 અને 5 નવેમ્બરે ખૂબ જ દુર્લભ સંયોગ બની રહ્યો છે
• ધનતેરસ પહેલા ખરીદી કે રોકાણ જેવા કાર્યો બે દિવસમાં કરી શકો 

દિવાળીના તહેવારને હવે ગણતરીના દિવસો જ બાકી રહ્યા છે. દિવાળીની તૈયારીઓ દેશભરમાં જોરશોરથી ચાલી રહી છે. ખાસ કરીને આ તહેવાર પર લોકો ખરીદી અને રોકાણ જેવા કામ ખાસ કરતા હોય છે. એમાં પણ દિવાળીના બે દિવસ પહેલા આવતી ધનતેરસ પર લોકો સોના-ચાંદીની ખરીદી કરતા હોય છે. 

એવામાં હવે જ્યોતિષ શાસ્ત્ર અનુસાર દિવાળીના થોડા દિવસો પહેલા એટલે કે આવતીકાલથી 4 અને 5 નવેમ્બરે ખૂબ જ દુર્લભ સંયોગ બની રહ્યો છે. એવું માનવામાં આવે છે કે આવો સંયોગ લગભગ 400 વર્ષ પછી બની રહ્યો છે અને દિવાળી પહેલા જો તમે ખરીદી કે રોકાણ જેવા કોઈ શુભ કાર્ય કરવા ઈચ્છતા હોવ તો આ બે દિવસમાં કરી શકો છો. 

સામાન્ય લોકો ખરીદી માટે ધનતેરસની રાહ જોતા હોય છે પરંતુ આ વર્ષે ધનતેરસ પહેલા આવો દુર્લભ સંયોગ બની રહ્યો છે જે ખરીદી માટે ધનતેરસ કરતા પણ શ્રેષ્ઠ દિવસ માનવામાં આવે છે. ધનતેરસ પહેલા 4 અને 5 નવેમ્બરે પુષ્ય નક્ષત્રનો દુર્લભ સંયોગ બની રહ્યો છે. આ દિવસે પુષ્ય નક્ષત્રની સાથે અન્ય ઘણા શુભ યોગો પણ બની રહ્યા છે. પુષ્ય નક્ષત્ર યોગ સોનું-ચાંદી, જમીન, મકાન અને મિલકત ખરીદવા માટે ખૂબ જ શુભ માનવામાં આવે છે.

આ દિવસે પુષ્ય નક્ષત્રની સાથે અન્ય ઘણા શુભ યોગો પણ બની રહ્યા છે. પુષ્ય નક્ષત્ર યોગ સોનું-ચાંદી, જમીન, મકાન અને મિલકત ખરીદવા માટે ખૂબ જ શુભ માનવામાં આવે છે. જ્યોતિષીય ગણતરી મુજબ 4 નવેમ્બરે બુધાદિત્ય યોગ, પરાક્રમી યોગ અને સાધ્યયોગનો વિશેષ સંયોગ રચાઈ રહ્યો છે. જ્યારે બીજા દિવસે એટલે કે 5 નવેમ્બરે રવિ પુષ્પ યોગ બનવાના કારણે સર્વાર્થ સિદ્ધિ યોગનો સંયોગ સર્જાઈ રહ્યો છે.

પુષ્ય નક્ષત્ર શું છે?
જ્યોતિષશાસ્ત્રમાં કુલ 27 નક્ષત્રોનું વર્ણન કરવામાં આવ્યું છે અને તેમાંથી પુષ્ય નક્ષત્ર આઠમું નક્ષત્ર છે. આ નક્ષત્ર ખૂબ જ શુભ માનવામાં આવે છે અને શુભ ફળ આપે છે. આ નક્ષત્રને શ્રેષ્ઠ અને નક્ષત્રોનો રાજા માનવામાં આવે છે. પુષ્ય નક્ષત્રને તિષ્ય અને અમરેજ્ય તરીકે પણ ઓળખવામાં આવે છે. તિષ્ય એટલે શુભ નક્ષત્ર અને અમરેજ્ય એટલે દેવતાઓ દ્વારા પૂજતું નક્ષત્ર. પુષ્ય નક્ષત્રના સ્વામી શનિદેવ છે.