- માતાએ બાળકીને મારવાનો કર્યો પ્રયત્ન
- બાળકીની બીમારીને લઈને હતી પરેશાન
- દિકરીના જન્મથી હતી નાખુશ
ઝુંઝુનુમાં એક માતા તેની અઢી મહિનાની બાળકીના જીવની દુશ્મન બની ગઈ. મહિલાએ તેની પુત્રીનું ગળું દબાવીને હત્યા કરવાનો પ્રયાસ કર્યો હતો. આ સમગ્ર ઘટના હોસ્પિટલના સીસીટીવીમાં કેદ થઈ ગઈ હતી. આ જોઈને હોસ્પિટલનો સ્ટાફ પણ સ્તબ્ધ થઈ ગયો હતો. આરોપી મહિલાની ધરપકડ કરવામાં આવી છે.
પુત્રીને શ્વાસ લેવામાં પડતી હતી તકલીફ
મીડિયા રિપોર્ટ્સ અનુસાર, મહિલા ઝુંઝુનુના બુહાનાના સાંગા ગામની રહેવાસી છે. 24 વર્ષની મહિલા સુમનની અઢી મહિનાની પુત્રી શ્રેયાને શ્વાસ લેવામાં તકલીફ પડી રહી હતી. મહિલા અને તેના પતિ સોનુની સાથે બાળકીને સારવાર માટે નારનૌલમાં બાળકોની હોસ્પિટલમાં લઈ જવામાં આવી હતી. બાળકીને હોસ્પિટલમાં દાખલ કરવામાં આવી હતી. 2 સપ્ટેમ્બરથી સુમન તેની પુત્રી સાથે હોસ્પિટલમાં હતી.
બાળકીના ધબકારા ઘટવા લાગ્યા
10 સપ્ટેમ્બરે બાળકીની હાલતમાં સુધારો થતાં તેને માતા સુમનને ખવડાવવા માટે આપવામાં આવી હતી. થોડા સમય પછી બાળકીની તબિયત બગડી. જે બાદ મહિલાની સાસુએ ડોક્ટરને બોલાવ્યા હતા. ડોક્ટરે આવીને તપાસ કરી તો બાળકીના ધબકારા ફરી ઘટી રહ્યા હતા.
ડોક્ટરોને પણ નવાઈ લાગી કે થોડા સમય પહેલા બાળકી સંપૂર્ણ સ્વસ્થ હતી, હવે તેને શું થયું છે? શંકાસ્પદ જણાતા ડોક્ટરે સીસીટીવી જોયા. જેમાં મહિલા પુત્રીનું ગળું દબાવી રહી હોવાનું જોવા મળ્યું હતું.
માતાની ધરપકડ કરવામાં આવી
ડૉક્ટર અને મહિલાની સાસુએ તરત જ બાળકીને માતાથી અલગ કરી દીધી. મેડીકલ સ્ટાફે માસૂમને સી.પી.આર. આપ્યું. ત્યાં જ ડૉક્ટરે પોલીસને ફરિયાદ કરી. જે બાદ આરોપી માતાની ધરપકડ કરવામાં આવી હતી.
.jpg)
મહિલાને ન હતી જોઈતી બાળકી
સુમન અને સોનુના લગ્ન ત્રણ વર્ષ પહેલા થયા હતા. સુમને 16 જૂન 2022ના રોજ પુત્રીને જન્મ આપ્યો હતો. આ પહેલું બાળક હતું. સુમનને દીકરી જોઈતી નહોતી. સાથે તે તેમની પુત્રીની બીમારીથી પરેશાન હતા.
