શેરબજાર / 27 વર્ષ જૂની IT કંપનીના શેરે કર્યા પૈસાદાર,15 દિવસમાં રોકાણ થયું ડબલ, આપ્યું 83 ટકા રિટર્ન

27 વર્ષ જૂની IT કંપની ડાયનાકોન્સ સિસ્ટમ્સ એન્ડ સોલ્યુશન્સના શેરમાં આજકાલના દિવસોમાં વધારો જોવા મળી રહ્યો છે. માર્કેટમાં કંપનીના શેરની ખૂબ જ ચર્ચા છે. 27 માર્ચથી 19 એપ્રિલની વચ્ચે કંપનીના શેરની કિંમત રૂ. 782.40થી વધીને રૂ. 1435.70ના સ્તરે પહોંચી હતી. એટલે કે માત્ર 15 ટ્રેડિંગ સેશનમાં કંપનીના શેરની કિંમત 83.50 ટકા (19 એપ્રિલ સુધી) વધારવામાં સફળ રહી છે. છેલ્લા એક વર્ષમાં આ મલ્ટિબેગર સ્ટોકના ભાવમાં 340 ટકાનો વધારો જોવા મળ્યો છે. જોકે સોમવારે કંપનીના શેર પ્રોફિટ બુકિંગનો શિકાર બન્યા હતા. જે બાદ કંપનીના શેરની કિંમતમાં ઘટાડો જોવા મળ્યો છે.

સોમવારે શેરમાં ઘટાડો થયો

સોમવારે શેર 5.52 ટકાના ઘટાડા સાથે 1356 રૂપિયાના સ્તરે બંધ થયો હતો. કંપનીનું ઇન્ટ્રા-ડે લો લેવલ રૂ.1310 હતું. તમને જણાવી દઈએ કે, સોમવારે આ શેર 1449.55 રૂપિયાના સ્તર પર ઉચાઇની સાથે ખુલ્યો હતો.

કંપની પાસે ઘણા મોટા ઓર્ડર 

16 એપ્રિલના ડાયનાકોન્સ સિસ્ટમ્સ એન્ડ સોલ્યુશન્સે સ્ટોક એક્સચેન્જોને જાણ કરી હતી કે નાબાર્ડે બેન્કિંગ સોલ્યુશન્સ સંબંધિત કામ માટે રૂ. 233 કરોડનો વર્ક ઓર્ડર આપ્યો છે. અગાઉ માર્ચમાં NPCIએ કંપનીને રૂ. 41.72 કરોડનું કામ સોંપ્યું હતું. કંપનીને ફેબ્રુઆરીમાં BSNL પાસેથી રૂ. 90.02 કરોડનું કામ મળ્યું હતું. 

આ પણ વાંચોઃ પિતાએ પુત્રની હત્યા કરીને લાશ સળગાવી, હાડકાં તળાવમાં ફેંક્યાં, વહુએ પિયરમાંથી ખોલ્યો ભેદ

ત્યારે કંપનીના શેરની કિંમત રૂ.17.75 હતી

આ સિવાય યુનિયન બેંક ઓફ ઈન્ડિયા અને ભારત હેવી ઈલેક્ટ્રિકલ્સ તરફથી અનુક્રમે રૂ. 214 કરોડ અને રૂ. 137 કરોડનું કામ મળ્યું છે. આ કંપનીએ એપ્રિલ 2020 થી અત્યાર સુધી શેરબજારમાં 7657 ટકા રિટર્ન આપ્યું છે. ત્યારે કંપનીના શેરની કિંમત 17.75 રૂપિયા હતી.

(નોંધ- શેરબજારમાં કોઈપણ રોકાણ કરતા પહેલા તમારા બજાર નિષ્ણાતોની સલાહ ચોક્કસ લો.)

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો