વિચારણા / સાયન્સ પ્રવાહ પ્રત્યે આકર્ષવા ગુજરાતમાં અપાશે સ્કોલરશિપ! માત્ર 18% વિદ્યાર્થીઓ જ કરે છે વિજ્ઞાન પ્રવાહને પસંદ

• વિદ્યાર્થીઓને વિજ્ઞાન પ્રવાહ તરફ આકર્ષવા સ્કૉલરશીપની વિચારણા
• નવા બજેટમાં સ્કૉલરશીપની જાહેરાત થવાની સંભાવના 
• રાજ્યમાં માત્ર 18% વિદ્યાર્થી જ વિજ્ઞાન પ્રવાહની કરે છે પસંદગી 

કેન્દ્રીય શિક્ષણ બોર્ડ દ્વારા રાજ્યોનો ધો. 10 અને 12 નાં પરિણામનાં આધારે રાજ્યવાર મૂલ્યાંકન રિપોર્ટ પણ તૈયાર કર્યો છે. જેમાં ગુજરાતમાં માત્ર 18 ટકા વિદ્યાર્થીઓ જ સાયન્સ પ્રવાહમાં અભ્યાસ કરવો પસંદ કરે છે. જ્યારે બાકીનાં 82 ટકા વિદ્યાર્થીઓ આર્ટસ કે અન્ય ફેકલ્ટીમાં અભ્યાસ કરવો પસંદ કરે છે. 

દક્ષિણ ભારતનાં લોકો સાયન્ય સ્ટ્રીમમાં ભણવાનું વધુ પસંદ કરે છે
ગુજરાતની તુલનામાં દક્ષિણ ભારતનાં રાજ્યોમાં 60 થી 70 ટકા વિદ્યાર્થીઓ સાયન્સ પ્રવાહ પસંદ કરે છે.  જેથી દક્ષિણ ભારતનાં યુવાનો હાઈલી ટેકનિકલ તથા ક્વોલિફાઈડ હોવાથી નોકરી મેળવવામાં તેઓને બાજી મારી જાય છે.  ત્યારે વધુમાં વધુ લોકો સાયન્સ સ્ટ્રીમમાં ભણવાનું પસંદ કરે તે માટે સરકાર દ્વારા પ્રોત્સાહન રૂપે નવા બજેટમાં સ્કોલરશીપની જાહેરાત થવાની સંભાવના છે. 

વધુ વાંચોઃ ગૌણ સેવા પસંદગી મંડળે 4300 જગ્યાઓ માટેની ભરતી જાહેર કરી, આજથી અરજી પ્રક્રિયા શરૂ, જાણો છેલ્લી તારીખ

ગુરૂવારે મુખ્યમંત્રી સ્તરે બેઠક યોજાઈ હતી
2 ફેબ્રુઆરીનાં રોજ રાજ્યનાં નાણામંત્રી વિધાનસભા ગૃહમાં વર્ષ 2024-25 નાં વર્ષનું બજેટ રજૂ કરવાનાં છે. જેની તૈયારીઓ શરૂ કરી દેવામાં આવી છે. ત્યારે બજેટને લઈ ગુરૂવારે મુખ્યમંત્રી સ્તરે પ્રાથમિક શિક્ષણ, યુવક અને સાંસ્કૃતિક વિભાગ તેમજ સામાજિક ન્યાય અને અધિકારીતા વિભાગની બેઠક યોજાઈ હતી.