ઝીરો વિઝિબિલિટી / અમદાવાદ બન્યું આબુ: સવાર-સવારમાં ધુમ્મસ છવાતા શહેરમાં સર્જાયા હિલ સ્ટેશન જેવાં દ્રશ્યો, જુઓ PHOTOS

• અમદાવાદમાં ઠંડીમાં ઘટાડો, વહેલી સવારે જોવા મળી ધુમ્મસ
• અમદાવાદ શહેર હિલસ્ટેશન બન્યુ હોય તેવા દ્રશ્યો
• ધુમ્મસભર્યા વાતાવરણમાં વાહનોની લાઈટ ચાલુ રાખી લોકો પસાર થતા જોવા મળ્યા
• એસજી હાઈવ, આશ્રમરોડ, વાસણા, એસપી રિંગ રોડ માર્ગ પર ધુમ્મસભર્યુ વાતાવરણ

અમદાવાદમાં છેલ્લા 2 દિવસથી ઠંડીમાં ઘટાડો થયો છે. આ સાથે આજે વહેલી સવારે શહેરમાં ધુમ્મસભર્યું વાતાવરણ જોવા મળ્યું હતું. આજે શહેરના SG હાઈ-વે, આશ્રમરોડ, વાસણા, SP રિંગરોડ પર ધુમ્મસભર્યું વાતાવરણ જોવા મળ્યું છે. અમદાવાદ શહેર હિલસ્ટેશન બન્યું હોય તેવા દ્રશ્યો સામે આવ્યા છે. 

અમદાવાદમાં આજે સવારે ધુમ્મસભર્યા વાતાવરણમાં વાહનોની લાઈટ ચાલુ રાખી લોકો પસાર થતા જોવા મળ્યા હતા. મહત્વનું છે કે,  હવામાન વિભાગે આગાહી કરી હતી કે, રાજ્યમાં ગાત્રો થીજવતી ઠંડીથી લોકોને આંશિક રાહત મળશે. વેસ્ટર્ન ડી્ટર્બન્સ સક્રિય થયું હોવાથી ઠંડીમાં ઘટાડો થશે. જેને લઈ આજે અમદાવાદ સહિત રાજ્યના અનેક વિસ્તારોમાં લોકોને ઠંડીથી રાહત મળી હતી. 

રાજ્યમાં સતત વધી રહેલી ઠંડીને કારણે જનજીવન અસરગ્રસ્ત બન્યું છે. ઠંડીથી બચવા લોકો તાપણું અને ગરમ કપડાનો સહારો લઈ રહ્યા છે.  જોકે હવે ઠંડીને લઈ હવામાન વિભાગની નવી આગાહી સામે આવી છે.

વાત જાણે એમ છે કે, હવામાન વિભાગની આગાહી મુજબ રાજ્યમાં ગાત્રો થીજવતી ઠંડીથી લોકોને આંશિક રાહત મળશે. વેસ્ટર્ન ડી્ટર્બન્સ સક્રિય થયું હોવાથી ઠંડીમાં ઘટાડો થશે. 

શું કહ્યું હતું હવામાન વિભાગે ? 
રાજ્યમાં કડકડતી ઠંડી વચ્ચે હવે હવામાન વિભાગે ફરી એકવાર આગાહી કરી હતી. રાજ્યમાં છેલ્લા કેટલાક દિવસોથી હાડ થીજવતી ઠંડી પડી રહી છે. જોકે તાજેતરમાં જ હવામાન વિભાગે કહ્યું હતું કે, વેસ્ટર્ન ડી્ટર્બન્સ સક્રિય થયું હોવાથી ઠંડીમાં ઘટાડો થશે. આગામી 2 દિવસ વાદળછાયું વાતાવરણ રહેવાની શક્યતા પણ વ્યક્ત કરી હતી.