ગુનો / સગીર બાળકીને 'આજા આજા' કહેવું આ યૌન ઉત્પીડન છે: મુંબઈની કોર્ટનો આદેશ, જાણો દોષિતને કેટલી થઈ સજા

• 32 વર્ષીય યુવકને POCSO એક્ટ અંતર્ગત દોષી જાહેર
• 15 વર્ષીય સગીરાને 'આજા-આજા' કહીને છેડતો હતો
• કોર્ટે 6 મહિનાની આપી જેલની સજા

મુંબઈની એક કોર્ટે 32 વર્ષીય એક યુવકને પોક્સો એક્ટ અંતર્ગત એક સગીરાની જાતીય સતામણીનો દોષી કરાર કર્યો છે. આરોપ છે કે યુવકે સગીરાને 'આજા-આજા' કહીને બોલાવ્યું હતું. મુંબઈનાં દિનદોશીમાં એક સેશન્સ કોર્ટે તેને જાતીય સતામણીનો મામલો માનતા એ યુવકને દોષી જાહેર કર્યો છે. કોર્ટે આરોપીને 6 મહિનાની  જેલની સજા સંભળાવી છે. 

15 વર્ષીય સગીરાની કરી છેડતી
માહિતી અનુસાર આ મામલો સપ્ટેમ્બર 2015નો છે. ત્યારે પીડિતા 15 વર્ષની હતી અને તે 10માં ધોરણમાં અભ્યાસ કરતી હતી. પીડિતાએ કોર્ટમાં જણાવ્યું કે જ્યારે તે ટ્યૂશન જઈ રહી હતી ત્યારે એક વ્યક્તિએ તે સાઈકલથી તેનો પીછો કર્યો હતો અને વારંવાર 'આજા-આજા' કહી રહ્યો હતો. 

નાઈટ વોચમેન હતો એ યુવક
સગીરાએ જણાવ્યું કે છોકરાની આ હરકત થોડા દિવસ સુધી ચાલુ જ રહી હતી. પહેલા દિવસે તો સગીરાએ રોડ પર ઊભેલા લોકોની મદદ લેવાનાં પ્રયાસો કર્યાં પરંતુ તે છોકરો ભાગી ગયો. પાછળથી માહિતી મળી કે 25 વર્ષીય એ યુવક નજીકની જ બિલ્ડિંગમાં નાઈટ વોચમેન છે. ત્યારબાદ છોકરીની માતાએ તેના વિરોધમાં પોલીસમાં ફરિયાદ નોંધાવી હતી. 

ધરપકડ 2015માં કરવામાં આવી હતી
યુવકની ધરપકડ સપ્ટેમ્બર 2015માં જ કરવામાં આવી હતી. ત્યારે યુવકે કોર્ટને કહ્યું કે તેની પત્ની અને 3 બાળકો છે અને તેઓ ગરીબ છે. તેથી એડિશનલ સેશન્સ જજ AZ ખાને તેને સપ્ટેમ્બર 2015 અને માર્ચ 2016માં જ્યારે જામીન મળી તેની વચ્ચે અંડરટ્રાયલ પૂર્ણ થતાં તેને મુક્ત કરવામાં આવ્યો હતો.