નકલી ગેંગનો પર્દાફાશ / પોર્ન જોવા બદલ 3,000 રુપિયાનો દંડ : વિદેશથી ઓપરેટ થતી ગેંગે હજારો લોકોને જુઓ કેવી રીતે ચોપડ્યો ચૂનો

• પોર્ન જોવાના નામે લોકો પાસેથી મોટી ખંડણી ઉઘરાવવાનો મામલો
• દિલ્હી પોલીસે ત્રણ આરોપીઓની ધરપકડ કરી 
• નકલી પોલીસની નોટીસ આપીને લોકો પાસેથી પડાવતા હતા મોટી રકમ
• ગેંગે અત્યાર સુધી લોકોને 30 લાખનો ચૂનો ચોપડ્યો 

દિલ્હી પોલીસના એક સિનિયર અધિકારીએ જણાવ્યું કે આરોપીઓ લોકોને ધમકાવતા કે તેઓ ઓનલાઈન પોર્ન જોતા પકડાયા છે અને તેથી તમારે 3 હજારનો દંડ ચુકવવો પડશે. આરોપીઓએ તેમના ટાર્ગેટ પર રહેલા લોકોને નકલી પોલીસની નોટીસ મોકલી આપતા અને ધાક-ધમકથી તેમની પાસેથી મોટી રકમની વસૂલાત કરતા. 

નકલી પોલીસે દેશભરમાંથી અત્યાર સુધી 30 લાખ રકમની વસૂલાત કરી 

પોલીસે કહ્યું કે કંબોડિયાથી ચાલી રહેલી આ ગેંગે છેલ્લા છ મહિનામાં દેશભરમાંથી અત્યાર સુધી 30 લાખ રકમની વસૂલાત કરી ચૂકી છે. કંબોડિયામાં બેઠેલો માસ્ટરમાઈડ ફોન પર સૂચના આપીને ગેંગને ઓપરેટ કરતો હતો તથા આરોપોને લોકો પાસેથી રકમ વસૂલવાનો આદેશ આપતો હતો. 

લોકોને નકલી નોટીસ પકડાવીને ધાક-ધમકી આપતા 

ડીસીપી અનયેશ રોયે જણાવ્યું કે ઓનલાઈન નકલી એડ અને પોપ અપ્સની કેટલીક ફરિયાદો મળી છે જેમાં આરોપી શખ્સો લોકોને કહેતા કે તેઓ પોર્ન જોતા ઝડપાયા છે અને આવું કરવું ગેરકાયદેસર છે. આવું કહેવાને નામે આરોપીઓ લોકો પાસેથી 3 હજારનો દંડ વસૂલતા. આરોપીઓ થોડા સમય સુધી આવું કૃત્ય કરતા રહ્યાં હતા અને એક દિવસ પોલીસના હાથે ચડી ગયા.

માસ્ટરમાઈન્ડ કંબોડિયાનો વતની, ત્યાંથી ગેંગને ઓપરેટ કરતો 

તેમણે કહ્યું કે તપાસ દરમિયાન પોલીસને જણાયું કે વિદેશમાંથી નોટીસો આવતી હતી. પોલીસે ભોગ બનેલા લોકોના બેન્ક ખાતા અને લેવડદેવડની તપાસ કરી અને આ રીતે આખું મની ટ્રાયલનું પગેરુ ઝડપી પાડ્યું હતું. તેમણે એવું પણ જણાવ્યું કે અમને માલૂમ પડ્યું છે કે આરોપીઓને તેમના તમિલનાડુમાં ખોલાયેલા બેન્ક એકાઉન્ટમાં પૈસા મળતા હતા. અમારી ટીમ ત્યાં ગઈ અને તેમને ઘણી તકલીફો પડી કારણ કે આરોપીઓએ બોગસ એડ્રસ તૈયાર કરી રાખ્યાં હતા. જોકે થોડા દિવસના ત્યાંના રોકાણ બાદ અને આરોપી સુધી પહોંચી શક્યા અને તેમના ઘણા સ્થળોએ દરોડા પાડ્યા. આ રીતે અમે ત્રણ શખ્સોની ધરપકડ કરી છે જેમાં સ્થાનિક માસ્ટરમાઈન્ડ બી ઢીંશુનાથ પણ સામેલ છે. 

આરોપી ઢીશુનાથે પોલીસ પૂછપરછમાં કબૂલ્યું છે કે કંબોડિયાના વીલ પોન શહેરમાં રહેતો તેનો ભાઈ આ કૌભાંડનો માસ્ટરમાઈન્ડ છે. પોલીસે તેની પણ ધરપકડ કરવાની તજવીજ હાથ ધરી હોવાનું કહેવાય છે.