મેક ઇન ઈન્ડિયાના ઉદેશ્યથી અમદાવાદના એન્જિનિયરે ત્રણ વર્ષની મહેનત બાદ વસ્ત્રાપુર ખાતે સપૂર્ણ ફુલ્લી ઓટોમેટિક રોબોટ કાફે બનાવ્યું છે.
Share
અમદાવાદમાં વધુ એક રોબોટિક કેફે
ગ્રાહકોના ઓર્ડર રોબોટ જ લેશે
ઓર્ડર પ્રમાણે સામગ્રી પણ રોબોડ પુરૂ પાડશે
ખાણીપીણીના શોખીન તરીકે ઓળખાતું શહેર એટલે અમદાવાદ અને હવે અમદાવાદીઓને ખાણીપીણી મોજ કરાવશે રોબોટ. તમે જે વાંચ્યું તે સાચું છે તમને જણાવી દઈએ કે અમદાવાદમાં રોબોટ કેફે બનાવવામાં આવ્યું છે કદાચ પ્રથમવાર હવે કેફેમાં જાહેર દુકાનોની વચ્ચે આવું ફુલ્લી ટેકનોલોજી ધરાવતું કેફે બન્યું છે કેવું છે આ ફુલ્લી ઓટોમેટીક કેફેની અનેક વિશેષતાઓ છે.
કયા આવેલી છે ઈનોવેટિવ જગ્યા?
અમદાવાદ ના વસ્ત્રાપુર લેક પાસે રોબોટ કેફે બનાવવામાં આવ્યું છે જે રોબોટ કેફેમાં ઓટોમેટિક ભેલ, પફ, સમોસાં, ચા કોફી અને પાણીપૂરીનું મશીન પણ લગાવવામાં આવ્યું છે. કેફેનું એક કાર્ડ કસ્ટમરને આપવામાં આવશે, જેમાં ઓનલાઇન બેલેન્સ કરાવવાનું રહેશે. કાર્ડ આ મશીન પાસે સ્કેન કરવાથી અથવા કાર્ડ સ્વાઈપ કરાવીને કોઈનના ઉપયોગથી પફ, સમોસાં, ભેલ, પાણીપૂરી મેળવી શકાય છે. પાણીપુરીમાં અલગ અલગ પાણી પણ કોઈના સંપર્ક વિના સેન્સર દ્વારા મળશે.
ફુલ્લી ઓટોમેટિક કેફમાં ચા નાસ્તો કરાવશે રોબોટ
આ રોબોટિક કેફેમાં મોટા ભાગની વસ્તુઓ રોબોટ અથવા ઓટોમેટિક મશીનથી બનાવવામાં આવે છે. જેથી કેફેનું નામ રોબોટ કેફે આપવામાં આવ્યું છે. કેફેમાં પ્રવેશતાં જ ટેબલ પર બેસીને કોઈને ઓર્ડર લખવાની જગ્યાએ બાર કોર્ડ સ્કેન કરીને ઓર્ડર આપવાનો રહેશે. ઓર્ડર આપ્યા બાદ રોબોટ સુધી ઓર્ડર પહોંચશે, એ બાદ કેફેમાં રહેલી વ્યક્તિ ઓર્ડર આપેલી વસ્તુઓ મશીન દ્વારા તૈયાર કરશે, એ બાદ રોબોટ એને સર્વ કરશે.
રોબોટ તમારા પ્રશ્નોના જવાબો પણ આપશે
મેરા દેશ બદલ રહા હૈ આગે બઢ રહા હૈ આ જ ઉદ્દેશ્ય સાથે મેક ઇન ઇન્ડિયાના કોન્સેપ્ટ સાથે અમદાવાદી યુવાન દ્વારા આ સુંદર રોબોટ કેફે બનાવવામાં આવ્યું છે અમદાવાદી એન્જિનિયરે પોતાના યુનિક આઈડિયાથી શહેરમાં એક એવી કેફે બનાવી છે જે બહારથી જોતા તો સમાન્ય કેફે જેવી જ છે પરંતુ અંદર પ્રવેશ્તા જ ગ્રાહકોને અલગ જ નજારો જોવા મળશે. આ કેફેમાં માણસો નહીં પણ રોબોટ જ રોબોટ જોવા મળશે. ઓર્ડર લેવાથી લઈને નાસ્તો સર્વ કરવા સુધી માટે અલગ-અલગ રોબોટ છે. મજાની વાત એ પણ છેકે, આ રોબોટ તમારા પ્રશ્નોના જવાબો પણ આપશે. આ 'રોબોટ કેફે'ની VTVની ટીમે મુલાકાત લીધી હતી અને કેફેના માલિક સાથે ખાસ વાતચીત કરી હતી.
ત્રણ વર્ષની મહેનત બાદ અમદાવાદી એન્જિનિયરે જાતે જ બનાવ્યો રોબોટ
આ કેફેમાં આવનાર ગ્રાહકોને કોઈ પણ પ્રકારના વાયરસ કે ગંદકી કે પછી કોઈ પણ પ્રકારના ફૂડ ટેસ્ટનો અલગ અનુભવ ન થાય માટે મશીન જ ફૂડ બનાવશે અને રોબોટ જ સર્વ કરશે ત્યારે ગ્રાહક માટેનો આ પહેલો અનુભવ ખૂબ જ સારો રહ્યો હતો. મેડ ઇન ઇન્ડીયાના ઉદેશ્ય સાથે બનેલું ફુલ્લી ઓટોમેટીક રોબોટ કેફે જે બદલાતા આધુનિક ભારત ની અનુભૂતિ કરાવશે અને આત્મનિર્ભરનો મેસેજ પણ આ કેફે દ્વારા પૂરો પાડવામાં આવી રહ્યો છે આ અમદાવાદી યુવાની ત્રણ વર્ષની મહેનત બાદ પોતે જ બનાવેલા રોબોટ એક નવા જ ઉદેશ્ય સાથે નવી સિદ્ધિઓ પાર કરવા જઈ રહ્યો છે.
