સૌરાષ્ટ્ર, દક્ષિણ ગુજરાતમાં વરસાદી માહોલ છવાયો છે. ત્યારે જામનગરમાં છેલ્લા 12 કલાકમાં 11 ઈંચ વરસાદ ખાબકતા શહેરમાં જળબંબાકારની પરિસ્થિતિ સર્જાઈ હતી. ત્યારે વરસાદી પાણી લોકોનાં ઘરમાં ઘુસી ગયા હતા.
Share
જામનગરમાં છેલ્લા 12 કલાકમાં 11 ઇંચ વરસાદ
11 ઈંચ વરસાદથી શહેરમાં જળબંબાકારની સ્થિતિ સર્જાઈ
શહેરનાં અનેક વિસ્તારો લોકોનાં ઘરોમાં પામી ઘુસ્યા
સૌરાષ્ટ્રમાં વરસાદી માહોલ જામ્યો છે. ત્યારે જામનગરમાં છેલ્લા 12 કલાકમાં 11 ઈંચ વરસાદ નોંધાયો છે. રાત્રીનાં બે વાગ્યાથી બપોરે બે વાગ્યા સુધીમાં ધોધમાર વરસાદ પડ્યો હતો. ત્યારે 11 ઈંચ વરસાદમાં જ શહેરમાં જળબંબાકાર જેવી સ્થિતિ સર્જાઈ છે. અનેક વિસ્તારોમાં ઘરોમાં પાણી ઘુસ્યા છે. નવાગામ, ઘેડ, ગોકુલનગર, મોમાઈ નગરમાં પાણી ભરાયા છે. બેડીગેઈટ અને કાલાવડ નાકા બહારનાં વિસ્તારોમાં પાણી ઘુસ્યા છે. ભીમવાસાં ઘરમાં પાણી ભરાવવાની વર્ષોની સમસ્યાનો હજુ પણ ઉકેલ આવ્યો નથી. જેથી લોકોનાં ઘરમાં પાણી ઘુસી ગયા હતા.
એક કિશોરનું પાણીમાં ડૂબી જવાથી મોત
જામનગરનાં ગુલાબનગરમાં અખાડા ચોક પાસે બે કિશોર પાણીમાં તણાયા હતા. જેમાં એક કિશોરનું પાણીમાં ડૂબી જવાથી મોત નિપજ્યું હતું. યશ વિજય પરમાર નામનાં 11 વર્ષનાં બાળકનું મોત થયું હતું. ગુલાબનગરનાં વાઝાવારામાં રહેતા યશનું મોત થયું હતું. મૃતદેહને પોસ્ટમોર્ટમ માટે જીજી હોસ્પિટલ લઈ જવાયો હતો.
વરસાદને કારણે આબરા ગામનો સંપર્ક કપાયો
જામનગરમાં ભારે વરસાદ પડતા ઠેર-ઠેર પાણી ભરાઈ જવા પામ્યા છે. ત્યારે વરસાદને કારણે આબરા ગામનો સંપર્ક કપાયો છે. તેમજ ઘણાં લાંબા સમયથી પુલની કામગીરી ચાલતી હોવાનો આક્ષેપ ગ્રામજનો દ્વારા કરવામાં આવ્યો છે. જેમાં આબરા, જીવાપર, દોઢિયા સહિતનાં ગામોનાં લોકો ફસાયા હતા. પુલની કામગીરીને કારણે 5 ગામનાં લોકો ફસાયા છે.
ભારે વરસાદને કારણે વાહનો પણ પાણીમાં ગરકાવ
જામનગરનાં ભીમવાસ વિસ્તારમાં બાણી ભરાયા હતા. વોર્ડ નં. 4 નાં કોર્પોરેટર રચનાં નંદાણીયાનાં ઘરમાં પાણી ઘૂસ્યા હતા. ભારે વરસાદને કારણે વાહનો પણ પાણીમાં ગરકાવ થઈ ગયા હતા. મનપાની પ્રિ-મોન્સુન કામગીરી સામે સવાલ ઉઠ્યા હતા.
અંડરપાસમાં પાણી ભરાતા વાહન ચાલકોને હાલાકી
જામનગરની સત્યમ કોલોની પાસેનાં અંડરપાસમાં પાણી ભરાયા હતા. પાણી ભરાતા અંડરવાસમાં કાર ફસાઈ હતી. અંડરપાસમાંથી કારને બહાર કાઢવાની કામગીરી હાથ ધરી હતી. ત્યારે અંડરપાસમાં પાણી ભરાતા વાહન ચાલકોને ભારે હાલાકી ભોગવવાનો વારો આવ્યો હતો.
