જનતા હેરાન / ગુજરાતમાં કોરોનાના હાહાકાર વચ્ચે મોંઘવારીનો માર, સીંગ અને કપાસિયા તેલના ભાવમાં ફરી વધારો

• ગુજરાતની પ્રજાપર મોંઘવારીનો માર
• પેટ્રોલ-ડીઝલ બાદ સિંગતેલના ભાવ આસમાને
• સિંગતેલનો ભાવ રૂપિયા 2700ને પાર 

ગુજરાતની પ્રજા પર મોંઘવારીનો વધુ એક ડામ પડ્યો છે. પેટ્રોલ-ડીઝલ સાથે સિંગતેલના ભાવ પણ આસમાને પહોંચ્યા છે. કપાસિયા તેલ અત્યાર સુધીની સૌથી ઉંચી સાપાટીએ પહોંચી ગયું છે. કપાસિયા તેલમાં છેલ્લા 5 દિવસમાં 60 રૂપિયાનો વધારો જોવા મળ્યો છે. તો સિંગતેલ અને સન ફ્લાવર્સમાં 50 રૂપિયાનો વધારો થયો છે.

સાથે સોયા અને પામ તેલમાં 40 રૂપિયાનો વધારો નોંધાયો છે. સિંગતેલનો ભાવ ડબે 2700 રૂપિયાને પાર પહોંચ્યો છે. જ્યારે કપાસિયા તેલનો ડબે ભાવ 2450 રૂપિયા ચૂકવવો પડશે. આ સાથે સન ફ્લાવર્સનો ભાવ 2700 રૂપિયા છે. અને પામ તેલનો ભાવ 2150 રૂપિયા સુધી પહોંચ્યો છે. તો બીજી તરફ મકાઇનો ભાવ 2250 અને સોયાબીનનો ભાવ 2500 રૂપિયા થયો છે. 

• સિંગતેલનો ભાવ ડબે 2700 રૂપિયાને પાર 
• કપાસિયા તેલનો ડબે ભાવ 2450 રૂપિયા 
• સન ફ્લાવર્સનો ભાવ 2700 રૂપિયા
• પામ તેલનો ભાવ 2150 રૂપિયા 
• મકાઇનો ભાવ 2250 અને સોયાબીનનો ભાવ 2500 રૂપિયા

તો બીજી તરફ કોરોનાકાળમાં મોંઘવારીનો માર સતત જનતા પર પડી રહ્યો છે. એક તરફ ખાદ્ય તેલની સાથે પેટ્રોલ-ડીઝલના ભાવમાં વધારો થયો છે. અમદાવાદમાં પેટ્રોલમાં 23 પૈસા જયારે ડીઝલમાં 30 પૈસા વધ્યા છે. અમદાવાદમાં પેટ્રોલનો આજનો ભાવ 88.10 રૂપિયા પ્રતિ લીટર છે. અને અમદાવાદમાં ડીઝલનો આજનો ભાવ 87.66 રૂપિયા પ્રતિ લીટર ચૂકવવો પડશે.

• વડોદરામાં પેટ્રોલ-ડીઝલના ભાવમાં વધારો
• પેટ્રોલનો ભાવમાં 19 પૈસાનો વધારો 
• પેટ્રોલ 87.65 થી વધી 87.71 રૂ.એ પહોંચ્યું
• ડીઝલના ભાવમાં 18 પૈસાનો વધારો
• ડીઝલ 87.53 વધીને 87.71 રૂ એ પહોંચ્યું