- કેનેડામાં સેક્સ દરમિયાન કોન્ડોમ ઉતારવો ગુનો ગણાશે
- સુપ્રીમ કોર્ટે આપ્યો મહત્વપૂર્ણ ચુકાદો
- યુવકે તેની ગર્લફ્રેન્ડની જાણ બહાર ઉતારી નાખ્યો હતો કોન્ડોમ
- આને કારણે જીવનસાથીને ગંભીર રોગનો ખતરો પેદા થયો હતો
જાતિય સંબંધો દરમિયાન ગંભીર રોગોથી બચવા લોકો કોન્ડોમનો ઉપયોગ કરતા હોય છે પરંતુ ઘણી વાર પુરુષ પાર્ટનર કોન્ડોમ ઉતારી નાખતા હોય છે ત્યારે ઘણી વાર ગંભીર સમસ્યા સર્જાતી હોય છે. કેનેડાની સુપ્રીમ કોર્ટે ચુકાદો આપ્યો છે કે સંભોગ દરમિયાન કોન્ડોમને જીવનસાથીની સ્પષ્ટ પરવાનગી વિના દૂર કરવું એ ગુનો છે.2017ની સાલમાં ઓનલાઈન રીતે એકબીજાના પરિચયમાં આવેલા યુવક અને યુવતી જ્યારે રુબરુમાં મળ્યાં હતા ત્યારે તેમણે સેક્સ માણ્યું હતું. પરંતુ યુવકે તેની ગર્લફ્રેન્ડની જાણ બહાર સેક્સ દરમિયાન કોન્ડોમ ઉતારી નાખ્યો હતો. આ વાતની પાછળથી જ્યારે મહિલાને જાણ થઈ ત્યારે તે ભારે આઘાત પામી હતી. મહિલાને એચઆઈવીની દવા લેવાનો પણ વારો આવ્યો હતો. આ ઘટનાની આઘાત પામેલી મહિલા યુવક સામે કોર્ટમાં કેસ કરી દીધો હતો.
મહિલાની અરજી કોર્ટે સ્વીકારી
આ કેસમાં કેનેડાની સુપ્રીમ કોર્ટમાં ચાલ્યો હતો અને તેમાં કોર્ટે એવું જણાવ્યું કે સેક્સ દરમિયાન સાથીની સંમતિ વગર કોન્ડોમ હટાવી લેવો ગુનો ગણાય છે. કોન્ડોમ વિના જાતીય સંભોગ એ કોન્ડોમ સાથે જાતીય સંભોગ કરતાં મૂળભૂત અને ગુણાત્મક રીતે અલગ શારીરિક કૃત્ય છે. કોર્ટે જણાવ્યું હતું કે, "જ્યારે ફરિયાદીએ સ્પષ્ટપણે તેના પર તેની સંમતિની શરત રાખી હોય ત્યારે કોન્ડોમનો ઉપયોગ અપ્રસ્તુત, ગૌણ અથવા આકસ્મિક હોઈ શકે નહીં. મણે ઉમેર્યું, "જો દરેક માટે, પરંતુ ખાસ કરીને પુરુષો માટે, આમાંથી કોઈ નૈતિકતા લેવાની હોય, તો તમારે ખાતરી કરવી પડશે કે ત્યાં સક્રિય અને રોકાયેલા સંમતિ છે. અને જો તમને ખાતરી ન હોય, તો તમારે પૂછવું જોઈએ. " "પરંતુ કમનસીબે, જાતીય એન્કાઉન્ટર આવું નથી થતું.
વિશ્વમાં ક્યાંય આવો કાયદો નથી- વકીલ
યુનિવર્સિટી ઓફ આલ્બર્ટામાં મહિલા અને લિંગ અભ્યાસના પ્રોફેસર અને જાતીય સંમતિ અને કેનેડિયન કાયદાના નિષ્ણાત, લિસે ગોટેલે પણ તેના વિચારો શેર કર્યા હતા , "વિશ્વના કોઈ પણ દેશમાં એવું નથી કે જ્યારે કોઈ કોન્ડોમ સાથે સેક્સ કરવા સંમત થાય અને સંમતિ વગર તેને દૂર કરે તો તે જાતિય હુમલો અથવા બળાત્કાર ગણાય. સ્ટીલ્થિંગ" તરીકે ઓળખાતી આ પ્રથા એટલી પ્રચલિત બની ગઈ છે કે કેનેડાની કેટલીક યુનિવર્સિટીઓએ તેને તેમની જાતીય હિંસા નિવારણ નીતિઓમાં સમાવિષ્ટ કરી છે.રિપોર્ટમાં કહેવામાં આવ્યું છે કે બ્રિટન અને સ્વિત્ઝરલેન્ડની કોર્ટ દ્વારા ઈન્ટરકોર્સ દરમિયાન કોન્ડોમ હટાવવા માટે લોકોને કોર્ટ દ્વારા અપરાધો માટે દોષી ઠેરવવામાં આવ્યા છે.
