- FD કરાવવાની તૈયારી કરી રહ્યા છો તો 4 દિવસ રાહ જોઈ જાઓ
- મોનેટરી કમિટી ગુરુવારે રેપો રેટની જાહેરાત કરશે
- રેપો રેટમાં 0.25 ટકાનો વધારો કરે તેવી સંભાવના
દેશમાં ઘણી બેંકોમાં હાલના દિવસોમાં ફિક્સ્ડ ડિપોઝિટ એટલે કે FD પર 9 ટકા સુધીનું વ્યાજ આપવામાં આવી રહ્યું છે અને એ કારણે એફડી કરનારાઓની સંખ્યામાં ઝડપથી વધારો થયો છે. એવામાં જો તમે પણ FD કરાવવાની તૈયારી કરી રહ્યા છો તો 4 દિવસ રાહ જોઈ જાઓ.
મોનેટરી કમિટી ગુરુવારે રેપો રેટની જાહેરાત કરશે
જણાવી દઈએ કે ભારતીય રિઝર્વ બેંકની નાણાકીય નીતિની સમીક્ષા આજથી શરૂ થઈ ગઈ છે અને મોનેટરી કમિટી ગુરુવારે રેપો રેટની જાહેરાત કરશે. એ મુજબ 6 ટકાથી વધુ હોવાને કારણે આરબીઆઈ ફરી એકવાર રેપો રેટમાં 0.25 ટકાનો વધારો કરે તેવી સંભાવના છે. એટલે કે જો RBI રેપો રેટ વધારશે તો બેંકો લોન મોંઘી થશે પણ એ સાથે જ થાપણો પર વ્યાજ વધારશે.
રેપો રેટમાં 0.25 ટકાનો વધારો કરે તેવી સંભાવના
ગુરુવાર પછી બેંકો ફરીથી FD પરના વ્યાજ દરમાં વધારો કરશે. એવામાં જો તમે પણ FD કરાવવાનું વિચારી રહ્યા છો તો આજે નહીં પણ ગુરુવાર પછી કરાવો. જો રેપો રેટમાં વધારો થાય છે, તો તમે વધારાના દરે FD મેળવીને તમારા રોકાણ પર વધુ વળતર મેળવી શકશો. આ પરથી નિષ્ણાતો કહે છે કે હવે રાહ જોવી વધુ સારું રહેશે.
આ માટે FD પર વ્યાજ દર વધશે
બેન્કિંગ ક્ષેત્રના નિષ્ણાતોનું કહેવું છે કે FY24 માટે પ્રથમ નાણાકીય સમિતિની બેઠકમાં રેપો રેટમાં વધારો કરવાનો નિર્ણય અપેક્ષિત છે. કેર રેટિંગ્સ અનુસાર, આરબીઆઈ એપ્રિલમાં રેપો રેટમાં 25 બીપીએસનો વધારો કરીને 6.75 ટકા કરશે. કારણ કે યુરોપિયન સેન્ટ્રલ બેંક અને યુએસ ફેડરલ રિઝર્વે માર્ચમાં અનુક્રમે 50 બીપીએસ અને 25 બીપીએસનો દર વધાર્યો હતો. સાથે જ ભારતમાં છૂટક ફુગાવો 6 ટકાની મર્યાદાથી ઉપર છે. તેને નિયંત્રિત કરવા માટે આરબીઆઈ રેપો રેટ વધારશે.
