શરમજનક / સાસરીયાઓએ દુલ્હનનો કરાવ્યો વર્જિનિટી ટેસ્ટ, રિઝલ્ટ બાદ આપી એવી સજા કે જાણી રૂવાડા ઉભા થઈ જશે

• લગ્ન બાદ યુવતીનો કરાવ્યો વર્જિનિટી ટેસ્ટ 
• ટેસ્ટમાં પાસ ન થવા પર સાસરીયાઓએ બોલાવી પંચાયત 
• ખાપ પંચાયતે લગાવ્યો 10 લાખ રૂપિયાનો દંડ 

રાજસ્થાનના ભીલવાડાથી એક ચોંકાવનારો મામલો સામે આવ્યો છે. અહીં એક પરિવારે દિકરાના લગ્ન બાદ વહૂનો વર્જિનિટી ટેસ્ટ કરાવ્યો અને પછી તેને ઘરમાંથી કાઢી મુકી. આટલું જ નહીં પરંતુ દુલ્હનના ઘરના લોકો પર 10 લાખનો દંડ પણ લગાવવામાં આવ્યો. આ દંડ ગામના ખાપ પંચાયતે લગાવ્યો છે. મીડિયા રિપોર્ટ્સ અનુસાર, દંડ ન મોકલી શકવા પર સુરતમાં યુવતીને હેરાન કરવામાં આવી. 

લગ્ન બાદ થયો ટેસ્ટ 
ભીલવાડા જિલ્લાના બાગોર વિસ્તારના ઈંચાર્જ અયુબ ખાને જણાવ્યું કે 11 મે 2022એ ભીલવાડા શહેરની 24 વર્ષીય યુવતીના લગ્ન બાગૌરના એક યુવક સાથે થયા હતા. જણાવવામાં આવી રહ્યું છે કે આ સમાજમાં પ્રચલિત કુકડી નામની કુપ્રથા હેટળ લગ્ન બાદ યુવતીનો વર્જીનિટી ટેસ્ટ કરાવવામાં આવ્યો હતો. ત્યાર બાદ તેણે સાસરીવાળાને જણાવ્યું કે તેના પડોસમાં એક યુવક હતો જેણે તેની સાથે લગ્ન પહેલા દુષ્કર્મ કર્યું હતું. તેના જવાબથી તેમને સંતોષ ન થયો. 

ખાપ પંચાયતનો ચુકાદો 
મામલો એટલો વધી ગયો કે યુવતીના સાસરાવાળાઓએ બાગો વિસ્તારના ભાદુ માતા મંદિરમાં સમાજની ખાપ પંચાયત બોલાવી. ત્યાર બાદ યુવતીના ઘરના લોકોએ પંચાયતને જણાવ્યું કે 18 મેએ ભીલવાડાના સુભાષનગર વિસ્તારમાં યુવતીની સાથે થયેલા દુષ્કર્મનો રિપોર્ટ પણ લખાવ્યો હતો. 

ખાપે આ દરમિયાન કોઈ નિર્ણય ન હતો સંભળાવ્યો પરંતુ 31 મેએ ફરી બેઠેલી પંચાયતે યુવતીના ઘરવાળા પર 10 લાખનો દંડ લગાવ્યો હતો. મીડિયા રિપોર્ટ્સ અનુસાર, પંચાયતે આ દંડ યુવતી માટે અનુષ્ઠાન અને તેના શુદ્ધિકરણના નામ પર લગાવ્યો. 

દાખલ કરવામાં આવી પોલીસ ફરિયાદ
ખાપ પંચાયતના આ નિર્ણય બાદ યુવતીના ઘરના લોકોએ પોલીસમાં ફરિયાદ દાખલ કરાવી હતી. પોલીસ ઉપ અધીક્ષકના મામલામાં તપાસ કરવામાં આવી અને આ મામલાને યોગ્ય ઠેરવવામાં આવ્યો. ભીલવાડા જિલ્લાની બાગોર પોલીસે કેસ નોંધ્યો છે. પોલીસે તપાસના આધાર પર જણાવ્યું કે મંદિરમાં પંચાયત બોલાવવામાં આવી હતી. આ સંબંધમાં ત્યાંના પુજારી સમાજના પંચ અને અન્ય લોકોના નિવેદન લેવામાં આવ્યા. 

સામે આવ્યું કે લગ્ન બાદ કુકડી પ્રથા હેઠળ દુષ્કર્મ પીડિતાનુ વર્જિનિટી ટેસ્ટ કરાવવામાં આવ્યો. જેમાં તે પાસ ન થઈ શકી. આ કારણે પરિવાર પર 10 લાખ રૂપિયાનો દંડ લગાવવામાં આવ્યો. આટલો મોટો દંડ ન ચુકવવાના કારણે યુવતીના ઘરના લોકોને છેલ્લા 5 મહિનાથી પ્રતાડિત કરવામાં આવ્યા હતા.