ખેડૂત પંચાયત / આ રાજ્યના મુખ્યમંત્રીએ કહ્યું, ખેડૂત આંદોલન 2 મિનિટમાં પૂરું થઈ શકે એમ છે બસ...

• CM અશોક ગેહલોતના મોદી સરકાર પર પ્રહાર
• 2 મિનિટમાં ખતમ થઇ શકે છે આંદોલનઃ ગેહલોત
• મોદી સરકારના જિદ્દી વલણના કારણે આંદોલનનું સમાધાન નથી થઇ રહ્યુંઃ ગેહલોત

રાજસ્થાનના મુખ્યમંત્રી અશોક ગેહલોતે કહ્યું કે, ખેડૂતોના આંદોલનનું સમાધાન 2 મિનિટમાં થઇ શકે છે, પરંતુ કેન્દ્ર સરકાર જિદ પર અડેલી છે. તેમણે કહ્યું કે, લોકશાહીમાં જિદ સારી નથી હોતી.

ડુંગરગઢમાં જનસભા કરી રહ્યા હતા અશોક ગેહલોત

ગહેલોત શનિવારે ડૂંગરગઢમાં પિલાનિઓની ઢાણી ધનેરૂમાં ખેડૂત પંચાયતને સંબોધિ રહ્યા હતા. ખેડૂત આંદોલનનો ઉલ્લેખ કરતા ગેહલોતે કહ્યું કે, સરકારોને મતદારો ભલે ખેડૂત હોય કે મજૂર... સન્માનની સાથે તેમની માંગોને પૂરી કરવાના પ્રયાસ કરવા જોઇએ. 100 દિવસ થવા આવ્યા છે, 200 લોકો માર્યા ગયા છે. ખબર નથી ક્યાં સુધી આ આંદોલન ચાલશે.

2 મિનિટમાં નિકળી શકે છે આંદોલનનો ઉકેલ

તેમણે કહ્યું કે, શું આ રસ્તો સારો છે લોકશાહીમાં? શું કોઇ રસ્તો નથી નિકળી શકતો? તમે આ કાળા કાયદાઓને ખતમ કરી દો. ખેડૂતોને બોલાવીને વાત કરો. વિપક્ષને પૂછીને નવા કાયદા પસાર કરો. 2 મિનિટમાં ખેડૂત આંદોલનનો ઉકેલ આવી શકે છે. પરંતુ સરકાર જિદ પર અડેલી છે. લોકશાહીમાં જિદ પર ન રહેવું જોઇએ. સરકારને ઉદારતા દાખવવી જોઇએ અને સંવેદનશીલ હોવું જોઇએ. તેમની તકલીફોને સમજવી જોઇએ કે ઠંડીમાં શું વીતી રહી છે તે લોકો પર. મોદી અને અમિત શાહને રાત્રે ઉંઘ કેવી રીતે આવતી હશે, આ સમજની બહાર છે.

જનસભામાં ટોળાથી ગદગદ દેખાયા ગેહલોત

તેમણે રાજસ્થાનના હાલના બજેટનો ઉલ્લેખ કરતા કહ્યું કે, સરકારે એટલું શાનદાર બજેટ રજૂ કર્યું કે વિપક્ષી દળોની પાસે કહેવા માટે કંઇ બચ્યું નથી. સભામાં ઉમટી પડેલી ભારે ભીડથી ઉત્સાહિત દેખાઇ રહેલા કોંગ્રેસ નેતાએ લોકોને આગામી પેટાચૂંટણીમાં પણ પાર્ટીને ભારે બહુમતીથી જીતાડવાની અપીલ કરી.

સચિન પાયલટે પણ સભાને સંબોધિત કરી

ખેડૂત પંચાયતોને પૂર્વ ઉપમુખ્યમંત્રી સચિન પાયલટે પણ સંબોધિત કરી. તેમણે પણ કેન્દ્રીય કૃષિ કાયદાઓને લઇને કેન્દ્ર સરકાર પર પ્રહાર કર્યા અને કહ્યું કે, કેન્દ્ર સરકારે આ ત્રણેય કાયદાઓને ગણ્યાગાંઠ્યા લોકોના ખિસ્સા ભરવા માટે બનાવ્યા છે. સભામાં કોંગ્રેસના પ્રદેશ પ્રભારી અજય માકન અને પ્રદેશ અધ્યક્ષ ગોવિંદ સિંહ ડોટાસરા પણ હાજર રહ્યા હતા.