રાજકીય ઘમાસાણ / ભાજપના સાથી પક્ષે કહ્યું વસુંધરા રાજે ગેહલોતની મદદ કરી રહ્યાં છે, અમારી પાસે છે પુરાવા

• રાજસ્થાનમાં રાજકીય ઘમાસાણ
• વસુંધરા રાજે કોંગ્રેસના અશોક ગેહલોતને ટેકો આપી રહ્યા છેઃ બેનીવાલે
• સાંસદ હનુમાન બેનીવાલે ટ્વિટ કરીને લગાવ્યા આરોપ

બેનીવાલે દાવો કર્યો હતો કે વસુંધરા રાજે કોંગ્રેસના અશોક ગેહલોતને ટેકો આપી રહ્યા છે. બેનીવાલે આરોપ લગાવ્યો છે કે વસુંધરા રાજે ધારાસભ્યોને ફોન કરી રહી છે અને ગેહલોતને ટેકો આપવા કહે છે.

ગુરુવારે સાંજે બેનીવાલે ટ્વિટ કરીને કહ્યું કે, "ભૂતપૂર્વ સીએમ વસુંધરા રાજે અશોક ગેહલોતની લઘુમતી સરકારને બચાવવા માટે જોરદાર પ્રયાસ કરી રહ્યા છે, રાજેએ આ અંગે કોંગ્રેસના ઘણા ધારાસભ્યોને આ વિશે ફોન પણ કર્યા છે."

બેનીવાલે આ સંદર્ભમાં શ્રેણીબદ્ધ ટ્વિટ કર્યા છે. બીજા એક ટ્વિટમાં તેમણે લખ્યું કે, "રાજ્ય અને દેશના લોકો વસુંધરા-ગેહલોતની આંતરિક ગઠજોડની વાર્તા સમજી ગયા છે." આ સિવાય એક અન્ય ટ્વિટમાં બેનીવાલે લખ્યું છે કે, "ભૂતપૂર્વ સીએમ વસુંધરા રાજે અશોક ગેહલોતની લઘુમતી સરકારને બચાવવા માટે જોરદાર પ્રયાસ કરી રહ્યા છે, રાજેએ આ અંગે કોંગ્રેસના ઘણા ધારાસભ્યોને પણ ફોન કર્યા છે."

पूर्व सीएम वसुन्धरा राजे @ashokgehlot51 की अल्पमत वाली सरकार को बचाने का पुरजोर प्रयास कर रही है,राजे द्वारा कोंग्रेस के कई विधायको को इस बारे में फोन भी किए गए !#गहलोत_वसुंधरा_गठजोड@AmitShah @AmitShahOffice @JPNadda @BJP4India @BJP4Rajasthan @RLPINDIAorg

— HANUMAN BENIWAL (@hanumanbeniwal) July 16, 2020

બીજા ટવીટમાં બેનીવાલે લખ્યું કે, "ભૂતપૂર્વ સીએમ વસુંધરા રાજેએ રાજસ્થાનમાં તેમના નજીકના ધારાસભ્યો સાથે વાત કરી અને તેમને અશોક ગેહલોતને ટેકો આપવા કહ્યું, રાજેએ ખુદ સીકર અને નાગૌર જિલ્લાના એક-એક જાટ ધારાસભ્યને આ મામલે વાત કરીને સચિન પાયલટથી દૂરી બનાવી રાખવા કહ્યું હતું જેની પાસે મજબૂત પુરાવા અમારી પાસે છે.

पूर्व सीएम वसुंधरा राजे ने @INCRajasthan में उनके करीबी विधायको से दूरभाष पर बात करके उन्हें @ashokgehlot51 का साथ देने की बात कही,सीकर व नागौर जिले के एक एक जाट विधायको को राजे ने खुद इस मामले में बात करके @SachinPilot से दूरी बनाने को कहा जिसके पुख्ता प्रमाण हमारे पास है !

— HANUMAN BENIWAL (@hanumanbeniwal) July 16, 2020

મામલો પહોંચ્યો હાઈકોર્ટ

ઉલ્લેખનીય છે કે કોંગ્રેસના બળવાખોર નેતા સચિન પાયલોટ અને તેમને ટેકો આપનારા 18 ધારાસભ્યોએ વિધાનસભા સ્પીકર જોશી દ્વારા અપાયેલી અયોગ્યતા નોટિસ વિરુદ્ધ રાજસ્થાન હાઇકોર્ટનો સંપર્ક કર્યો છે. જ્યારે મહેશ જોશીએ બળવાખોર ધારાસભ્યોની સદસ્યતા ખતમ કરવા માટે સ્પીકર સી.પી. જોશી સમક્ષ અરજી કરી હતી. આ દરમિયાન, હાઈકોર્ટમાં કોંગ્રેસના બળવાખોર સચિન પાયલોટની અરજીની સુનાવણી કરતી વખતે ચારે બાજુ ચર્ચા જામી છે. આ પછી, આખરે રાજસ્થાન હાઇકોર્ટે સચિન પાયલોટની અરજી સ્વીકારી અને બેંચને રિફર કરી હતી.

આ ધારાસભ્યોને નોટિસ

સચિન પાયલોટ, રમેશ મીણા, ઇન્દ્રાજ ગુર્જર, ગજરાજ ખટાણા, રાકેશ પરીક, મુરારી મીણા, પી.આર. મીણઆ, સુરેશ મોદી, ભંવર લાલ શર્મા, વેદપ્રકાશ સોલંકી, મુકેશ ભાકર, રામનિવાસ ગવડિયા, હરીશ મીણઆ, બ્રિજેન્દ્ર ઓલા, હેમારામ ચૌધરી, વિશ્વવેન્દ્રસિંહ, અમરસિંહ, દપેન્દ્રસિંહ અને ગજેન્દ્ર શક્તાવતને નોટિસ મોકલવામાં આવી છે.