અમદાવાદના પૂર્વ વિસ્તાર વસ્ત્રાલમાં એકાએક વાતાવરણમાં પલટો આવ્યો છે, પવન સાથે વીજળીના કડાકા-ભડાકા સાથે કમોસમી વરસાદ વરસ્યો છે.
Share
અમદાવાદના પૂર્વ વિસ્તારમાં પડ્યો વરસાદ
વસ્ત્રાલના વાતાવરણમાં આવ્યો પલટો
ગાજવીજ સાથે વસ્ત્રાલમાં વરસાદ
રાજ્યના વિવિધ વિસ્તારોમાં કસમોસમી વરસાદ વરસી રહ્યો છે. બોટાદ, ભાવનગર, ડાંગ અને અમરેલી બાદ અમદાવાદમાં પણ એકાએક વાતાવરણમાં પલટો જોવા મળ્યો છે. અમદાવાદના પૂર્વ વિસ્તારમાં ગાજવીજ સાથે કમોસમી મેઘસવારી આવી છે.
વસ્ત્રાલમાં ગાજવીજ સાથે વરસાદ
અમદાવાદના પૂર્વ વિસ્તારમાં અચાનાક વાતાવરણમાં પલટો આવ્યો છે. દિવસભર ગરમી બાદ રાત્રે વાતાવરણમાં પલટો આવ્યો છે. વસ્ત્રાલ વિસ્તારમાં પવન સાથે વીજળીના કડાકા-ભડાકા સાથે વરસાદ પડ્યો છે.
— VTV Gujarati News and Beyond (@VtvGujarati) March 4, 2023
બોટાદમાં ગાજવીજ સાથે વરસાદ
રાજ્યના અનેક જિલ્લામાં કમોસમી વરસાદ વરસી રહ્યો છે. ત્યારે બોટાદ શહેરમા પણ માવઠું થયું છે. સાળંગપુરમાં સાંબેલાધાર વરસાદ વરસ્યો છે તેમજ જિલ્લાના લાઠીદડ, કારીયાણી, સેથળી, સમઢીયાળા સહિત ગામોમાં ગાજવીજ સાથે કમોસમી વરસાદ પડ્યો છે.
— VTV Gujarati News and Beyond (@VtvGujarati) March 4, 2023
અમરેલીમાં કમોસમી વરસાદ
અમરેલીના ધારી ગીર પંથકમાં કમોસમી વરસાદ વરસ્યો છે. ધારીના ગોવિંદપુરમાં ધોધમાર વરસાદ વરસતા શેરીમાં નદીઓ થઇ વહેતી હોય તેવા દર્શ્યો સર્જાયા હતા. ગોવિંદપુર, સુખપુર, મીઠાપુર દલખાણીયામાં કમોસમી વરસાદ થયો છે. તેમજ ધારી શહેરમાં ધીમી ધારે વરસાદ થયો છે. અમરેલીના સાવરકુંડલાના ગ્રામ્ય વિસ્તારોમાં કમોસમી વરસાદ વરસતા લોકો ચિંતામાં મુકાયા છે. નાળ, રબારીકા, ઠવી, વીરડી તેમજ ધારી ગીર અને સાવરકુંડલા પંથકમાં કમોસમી વરસાદ વરસતા રવીપાકને નુકસાન થવાની ખેડૂતોને ભીતિ છે.
ભાવનગરમાં પણ માવઠું
ભાવનગરના વાતાવરણમાં પલટો આવ્યો છે. ઉમરાળા, વલ્લભીપુર પંથકમા વરસાદી છાંટા થયા છે. પાલીતાળા,સોનગઢ અને જેસર તેમજ રંઘોળા,ઠોંડા,હડમતિયા અને લાખાવાડમાં કમોસમી વરસાદ થયો છે. કમોસમી વરસાદથી ખેડૂતોની ચિંતા વધી છે.
ડાંગમાં પણ કમોસમી વરસાદ
હવામાન વિભાગની આગાહીને પગલે ડાંગમાં પણ કમોસમી વરસાદ થયો છે. આહવામાં વરસાદ થતાં ડાંગ દરબારમાં મુશ્કેલી સર્જાઈ હતી. કમોસમી વરસાદને કારણે ખેતીના પાકને નુકસાન થવાની ભીતિ સેવાઈ રહી છે.
