પ્રહાર / ફ્રેન્ડશિપ ડે પર રાહુલ ગાંધીએ PM મોદી પર કર્યો એવો કટાક્ષ કે VIDEO થયો વાયરલ

• રાહુલ ગાંધીએ PM મોદીને ફ્રેન્ડશીપ ડે પર શુભકામનાઓ પાઠવી
• જુલાઇ મહિનો પણ જતો રહ્યો, પણ વેક્સિન ન આવી
• પેગાસસ જાસૂસી કાંડના લીધે હંગામો યથાવત 

રાહુલ ગાંધીએ PM મોદીને ફ્રેન્ડશીપ ડે પર શુભકામનાઓ પાઠવી
આજે સમગ્ર દુનિયામાં ફ્રેન્ડશીપ ડેની ઉજવણી થઈ રહી છે. ઓગસ્ટ મહિનાના પહેલા રવિવારે આ દિવસની ઉજવણી થતી હોય છે. રાજકારણીઓ અને મોટા નેતાઓ પણ આ ઉજવણી માટે પોતાના મિત્રોને શુભેચ્છા આપી રહ્યા છે. કોંગ્રેસ નેતા રાહુલ ગાંધીએ પણ ફ્રેન્ડશીપ ડે એટલે કે મિત્રતા દિવસ પર એક પોસ્ટ પોતાના ઇન્સ્ટાગ્રામ અકાઉન્ટ પર શેર કરી છે. આ પોસ્ટ મૂકીને તેમણે PM મોદી પર પ્રહાર કર્યા છે. આ પોસ્ટમાં તેમણે એક વિડિયો શેર કર્યો છે. જેમાં PM મોદીના અંબાણી બંધુ અને અદાણી સાથેના ફોટાઓ મૂકી એક વિડીયો બનવાયો છે, સાથે જ તેમણે કેપ્શનમ લખ્યું છે કે "હમ દો, હમારે દો કી સરકારને મિત્રતા દિવસની શુભકામનાઓ"

 

 

 

 

 

View this post on Instagram

 

 

 

 

 

 

 

 

 

 

 

A post shared by Rahul Gandhi (@rahulgandhi)

 

જુલાઇ મહિનો પણ જતો રહ્યો, પણ વેક્સિન ન આવી 
કોરોના મહામારીની ત્રીજી લહેરના ખતરા વચ્ચે દેશમાં વેક્સિનની અછત વર્તાઇ રહી છે, જેને લઈ વિપક્ષ મોદી સરકાર પર સતત પ્રહાર કરી રહી છે. કોંગ્રેસસાંસદ રાહુલગાંધીએ વેક્સિનની અછતને લઈ ફરી એકવાર કેન્દ્ર પર નિશાન સાધ્યું છે. રવિવારે રાહુલ ગાંધીએ ટ્વિટ કરીને કહ્યું , "જુલાઇનો મહિનો જતો રહ્યો પણ વેક્સિનની અછત ના ગઈ" રાહુલ ગાંધીએ પોતાની જૂની ટ્વિટ પર કોટ કરીને આ વાત કહી. 2 જુલાઇના રોજ રાહુલ ગાંધીએ ટ્વિટ કરીને લખ્યું હતું કે, જુલાઇ આવી ગઈ છે પણ હજી સુધી વેક્સિન નથી આવી.

 

जुलाई चला गया है, वैक्सीन की कमी नहीं गयी।#WhereAreVaccines https://t.co/0hGVAv78x4 pic.twitter.com/QKyHBMR6X4

— Rahul Gandhi (@RahulGandhi) August 1, 2021

 

પેગાસસ જાસૂસી કાંડના લીધે હંગામો યથાવત 
પેગાસસ જાસૂસી કાંડને લઈ સંસદમાં હજુ પણ જોરદાર હંગામો ચાલુ જ છે. વિપક્ષ તરફથી આ મુદ્દે ચર્ચાની માંગ કરી છે. સત્રના કામકાજ પહેલા વિપક્ષી નેતાઓએ એક બેઠક કરી. આ બેઠકમાં 14 રાજનૈતિક પક્ષ સામેલ થયા હતા. આ બેઠકમાં રાહુલ ગાંધીએ કહ્યું કે પેગાસસ જાસૂસી કાંડને લઈ કોઈ પણ પ્રકારનું સમાધાન કરવામાં નહીં આવે. આ કાંડ મામલે સરકારે જવાબ આપવો જ પડશે.