નિર્ણય / ધો 10 બોર્ડના વિદ્યાર્થીઓનો હાઉ થશે દૂર, અમદાવાદ જિલ્લામાં આ સમયે પ્રિ બોર્ડ પરીક્ષા યોજાશે

• અમદાવાદ DEO દ્વારા ધો. 10 નાં વિદ્યાર્થીઓ માટે કરાયો નિર્ણય
• આ વર્ષે પણ શહેરની સ્કૂલોમાં યોજાશે પ્રિ બોર્ડ પરીક્ષા
• ધો. 10 નાં મુખ્ય પાંચ વિષયની લેવામાં આવશે પરીક્ષા

 અમદાવાદ DEO  દ્વારા આ વર્ષે પણ પ્રિ બોર્ડની પરીક્ષા લેવાનો નિર્ણય કર્યો છે. જેમાં ધો. 10 નાં મુખ્ય પાંચ વિષયોની પરીક્ષા લેવાશે. જાન્યુઆરી માસનાં અંતે શહેરની સ્કૂલોમાં પ્રિ-બોર્ડ પરીક્ષા લેવાશે. આ પરીક્ષામાં ધો. 10 નાં અંદાજિત 45000 થી વધુ વિદ્યાર્થીઓ પરીક્ષા આપશે. તેમજ આ પરીક્ષામાં કેન્દ્રીય પદ્ધતિતી પેપર કાઢવામાં આવશે. માર્ચમાં લેવાનાર ધો. 10 ની બોર્ડની પરીક્ષાઓનો હાઉ વિદ્યાર્થીઓનાં મનમાંથી દૂર થાય તે માટે આ પ્રિ બોર્ડ પરીક્ષા લેવામાં આવે છે. 

વિદ્યાર્થીઓનો ડર દૂર કરવા પહેલ
સામાન્ય રીતે પહેલીવાર બોર્ડની પરીક્ષા આપતા ધોરણ 10ના વિધાર્થીઓમાં પરીક્ષાનો ડર વધારે હોય છે. ત્યારે પરીક્ષાનો આ હાઉ દૂર કરવા અમદાવાદ જિલ્લા શિક્ષણ અધિકારીએ અનોખી પહેલ કરી છે. આ પરીક્ષા જાન્યુઆરી માસનાં અંત સુધી શહેરની સ્કૂલોમાં પ્રિ બોર્ડ પરીક્ષા યોજવાનું આયોજન કરવામાં આવ્યું છે.