રાજકારણ / નવી રાજકીય પાર્ટી બનાવી રહ્યા છે પ્રશાંત કિશોર ? ટ્વિટ કરીને આપ્યા સંકેત, આ રાજ્યમાંથી થઈ શકે છે શરૂઆત

• કોંગ્રેસ સાથે વાત ન બનતા પીકેનો નવો પ્લાન
• ટ્વિટ કરીને સસ્પેન્સ વધાર્યું
• બનાવી શકે છે નવી રાજકીય પાર્ટી

 

શું સાથે વાત બરાબર નહીં જામતા શું પ્રશાંત કિશોર નવી પાર્ટી બનાવાના છે ? પ્રશાંત કિશોરના ટ્વિટ બાદ આ પ્રકારની અટકળો વહેંતી થઈ છે. હકીકતમાં જોઈએ તો, પ્રશાંત કિશોરે ટ્વિટ કરી કહ્યું છે કે, હવે મુદ્દા અને જન કલ્યાણનો માર્ગ વધારે સારી રીતે સમજવા માટે રિયલ માસ્ટર્સ એઠલે જ જનતા સુધી જવાનો સમય આવી ગયો છે. 

હકીકતમાં જોઈએ તો, લાંબ સમય સુધી પ્રશાંત કિશોર કોંગ્રેસમાં જાય છે તેવી ચર્ચાઓ ચાલી રહી હતી, પ્રશાંત કિશોરે 2024 લોકસભા ચૂંટણીમાં કોંગ્રેસના સારા પ્રદર્શનને લઈને કેટલીય તૈયારીઓ પણ કરી હતી, જો કે, કોંગ્રેસ અને પ્રશાંત કિશોર વચ્ચે વાત બની શકી નહોતી અને કોંગ્રેસમાંથી તેઓ દૂર થઈ ગયા હતા.

My quest to be a meaningful participant in democracy & help shape pro-people policy led to a 10yr rollercoaster ride!

As I turn the page, time to go to the Real Masters, THE PEOPLE,to better understand the issues & the path to “जन सुराज”-Peoples Good Governance

शुरुआत #बिहार से

— Prashant Kishor (@PrashantKishor) May 2, 2022

બિહારથી શરૂઆત કરશે પીકે

પ્રશાંત કિશોરે ટ્વિટ કર્યું છે કે, લોકતંત્રમાં એક સાર્થક ભાગીદાર બનવા અને જન સમર્થક નીતિને આકાર આપવા માટે મદદ કરવાની મારી ઉતાર ચડાવ ભરી યાત્રા રહી છે. તેમણે આગળ લખ્યું છે કે, હવે મુદ્દા અને જન કલ્યાણનો માર્ગ વધું સારી રીતે સમજવા માટે રિયલ માસ્ટર્સ એટલે કે, જનતા પાસે જવાનો સમય આવી ગયો છે. શરૂઆત બિહારથી.

આજે બિહારના પ્રવાસે છે પીકે

માનવામાં આવી રહ્યું છે કે, પ્રશાંત કિશોર સમગ્ર બિહારની મુસાફરી કરશે અને લોકોને મળશે. તેમના મુદ્દા સમજશે. ત્યારે આવા સમયે સવાલ થઈ રહ્યો છે કે, શું પીકે નવા રાજકીય પાર્ટી બનાવી રહ્યા છે.  મનાવામાં આવી રહ્યું છે કે, પીકે પાસે વિકલ્પો ઘણા છે. તે નવી પાર્ટીની જાહેરાત પણ કરી શકે છે. આમ તો પ્રશાંત કિશોર આજે પટનામાં છે. એટલું જ નહીં કહેવાય છે કે, પ્રશાંત કિશોર પોતાના અભિયાનની શરૂઆત બિહારથી કરવા જઈ રહ્યા છે. જો કે, તે ફક્ત બિહાર સુધી મર્યાદિત નહીં હોય.

4 મેના રોજ પ્રેસ કોન્ફ્રેંસ કરશે પીકે

કહેવાય છે કે, પ્રશાંત કિશોર 4 મેના રોજ પ્રેસ કોન્ફ્રેંસ કરીને પોતાની વાત રજૂ કરશે. ત્યારે તેઓ પોતાના નવા અભિયાન વિશે પણ જણાવશે. જો કે, ત્યાં સુધીમાં તેઓ બિન રાજકીય લોકો સાથે મુલાકાત પણ કરતા રહેશે.