ગુજ'રાજ' / મેગા રોડ-શૉ અને સભા બાદ શરૂ થયું PM મોદીનું રિયલ મિશન: સર્કિટ હાઉસમાં પાટીદારોને મનાવવા કવાયત

• વડાપ્રધાન નરેન્દ્ર મોદીએ પાટીદારોને મનાવવા કવાયત હાથ ધરી 
• ગઇકાલે રાત્રે સ્થાનિક પાટીદાર આગેવાનો ઉધ્યોગકારો સાથે બેઠક કરી 
• આજે સવારે પણ પાટીદાર આગેવાનો સાથે બેઠક થયાની ચર્ચા 

ગુજરાતમાં વિધાનસભાની ચૂંટણીના પ્રથમ તબક્કાના મતદાનને ગણતરીના દિવસ બાકી છે. ત્યારે હવે વડાપ્રધાન નરેન્દ્ર મોદીએ પણ પાટીદારોને મનાવવા કવાયત હાથ ધરી છે. ગઇકાલે સુરતમાં જંગી જાહેરસભા અને રોડ-શો બાદ રાત્રે સ્થાનિક પાટીદાર આગેવાનો  ઉધ્યોગકારો સાથે બેઠક કરી હતી. આ સાથે આજે પણ વહેલી સવારે ફરી એકવાર અનેક આગેવાનો સાથે બેઠક કરી હોવાનું સામે આવ્યું છે. તો વળી હજી એકવાર ભાવનગર જતાં પહેલા પણ PM મોદી આગેવાનો સાથે બેઠક કરી શકે છે.

પાટીદારોનાં ગઢ સુરતમાં પ્રધાનમંત્રી નરેન્દ્ર મોદીએ કમર કસી છે. વાત જાણે એમ છે કે, ગઇકાલે સુરતમાં જંગી જાહેરસભા અને રોડ-શો કર્યો હતો. જેમાં ભારે જનમેદની ઉમટ્યા બાદ રાત્રે વડાપ્રધાન નરેન્દ્ર મોદી સર્કિટ હાઉસ પહોંચ્યા હતા. જોકે મેગા રોડ-શૉ અને સભા બાદ PM મોદીનું રિયલ મિશન શરૂ થયું છે. વિગતો મુજબ પાટીદારોને મનાવવા PM મોદી અને પાટીદાર આગેવાનો અને ઉધ્યોગકારો સાથે બેઠક યોજાઇ હતી. 

ગઇકાલે રાત્રે અને આજે સવારે પણ યોજાઇ બેઠક 

મહત્વનું છે કે, સુરતને પાટીદારોની ગઢ માનવામાં આવે છે તેવામાં હવે ચૂંટણી પાટીદારોને મનાવવા ખુદ વડાપ્રધાને કવાયત શરૂ કરી છે. જેના ભાગરૂપે ગઇકાલે સુરતમાં જંગી રોડ-શો અને સભા બાદ વડાપ્રધાન નરેન્દ્ર મોદી સુરત સર્કિટ હાઉસમાં પહોંચ્યા હતા. જ્યાં મોડી રાત્રે પાટીદાર આગેવાનો અને ઉધ્યોગકારો સાથે બેઠક કરી હતી. આ તરફ ગઇકાલે રાત્રે બેઠક બાદ પણ આજે સવારે એક બેઠક કરી હતી. મળતી માહિતી મુજબ આજે સવારે ભાવનગર જતાં પહેલા પણ PM મોદી અને આગેવાનો વચ્ચે બેઠક યોજાઇ હોવાની ચર્ચા છે. 

આજે PM મોદીના પ્રચારનો બીજો દિવસ 

વડાપ્રધાન નરેન્દ્ર મોદીનો આજે ગુજરાત પ્રવાસનો બીજો દિવસ છે. ત્યારે આજે તેઓ 4 જિલ્લામાં ચૂંટણી પ્રચાર કરશે. આજે વડાપ્રધાન રાજકોટ ,અંજાર, પાલીતાણાં, જામનગરમાં જનસભા સબોંધશે. વિગતો મુજબ આજે ભાવનગરના પાલીતાણામાં PM મોદી જનસભા સંબોધશે. કાર્યક્રમ મુજબ ગારિયાધાર રોડ પર 12.15 વાગે, કચ્છના અંજારમાં 2.45 વાગે અંજાર-આદિપુર રોડ પર જનસભાનુ આયોજન કરાયું છે. આ સાથે જામનગરમાં ગોરધનપર ખાતે 4.30 વાગે અને રાજકોટના રેસકોર્સ ગ્રાઉન્ડ સાંજે 6.30 વાગે જનસભા સંબોધશે.