ગાંધીનગર / ભારત - ઓસ્ટ્રેલિયા વચ્ચેની ક્રિકેટ વર્લ્ડ કપની ફાઈનલ મેચ નિહાળવા અમદાવાદમાં PM મોદીનું આગમન, જુઓ તસવીરો

• વડાપ્રધાન નરેન્દ્ર મોદીનું અમદાવાદ એરપોર્ટ પર કરાયું સ્વાગત
• વડાપ્રધાન એરપોર્ટથી સીધા રાજભવન પહોંચ્યા
• રાજભવન ખાતે મહત્વનાં પ્રોજેક્ટ પર વડાપ્રધાને યોજી સમીક્ષા બેઠક

 વડાપ્રધાન નરેન્દ્રભાઈ મોદી આજે અમદાવાદ પધાર્યા હતા. ત્યારે એરપોર્ટ પર રાજ્યપાલ આચાર્ય દેવવ્રત અને મુખ્યમંત્રી ભૂપેન્દ્ર પટેલે તેમનું ઉષ્માસભર સ્વાગત કર્યું હતું. 

અત્રે ઉલ્લેખનીય છે કે, વડાપ્રધાન નરેન્દ્રભાઈ મોદી ભારત - ઓસ્ટ્રેલિયા વચ્ચેની ક્રિકેટ વર્લ્ડ કપની ફાઇનલ મેચ નિહાળવા સ્ટેડિયમ ખાતે ઉપસ્થિત રહેવાના છે. જે અંતર્ગત આજે તેઓ અમદાવાદ એરપોર્ટ પર આવી પહોંચ્યા હતા.

#CWC23Final ના અવસરે પધારેલ માનનીય વડાપ્રધાન શ્રી નરેન્દ્રભાઈ મોદીનું અમદાવાદ એરપોર્ટ ખાતે માનનીય રાજ્યપાલ શ્રી આચાર્ય દેવવ્રત, મુખ્યમંત્રી શ્રી ભૂપેન્દ્રભાઈ પટેલ તથા અન્ય મહાનુભાવો દ્વારા ભાવભર્યું સ્વાગત કરવામાં આવ્યું. pic.twitter.com/nPpHnlFbjr

— CMO Gujarat (@CMOGuj) November 19, 2023

અધિકારીઓ વડાપ્રધાનનું અભિવાદન કરી તેઓને આવકાર્યા હતા
આ પ્રસંગે નવસારીના સાંસદ અને ભાજપ પ્રદેશ અધ્યક્ષ સી.આર.પાટીલ, અમદાવાદ શહેરનાં મેયર પ્રતિભા જૈન, રાજ્યના મુખ્ય સચિવ રાજ કુમાર, એર માર્શલ નર્મદેશ્વર તિવારી, રાજ્ય પોલીસ વડા વિકાસ સહાય, મેજર જનરલ એસ.એસ વિર્ક, ચીફ પ્રોટોકોલ ઓફિસર જ્વલંત ત્રિવેદી, કલેકટરપ્રવીણા ડી.કે. સહિતના વરિષ્ઠ અધિકારીઓએ વડાપ્રધાનનું અભિવાદન કરી તેમને આવકાર્યા હતા.