- પરિણીતિ ચોપડા અને રાઘવ ચઢ્ઢાનાં આ મહિને થઈ શકે છે લગ્ન
- માહિતી અનુસાર કપલ ઉદયપુરમાં કરશે ગ્રાન્ડ વેડિંગ
- થોડા દિવસો પહેલા પરિણીતિએ ઉદયપુરની વિઝિટ કરી હતી
ઉદયપુર ફરી એકવાર એક મોટા ઈવેન્ટનું સાક્ષી બનશે. રિપોર્ટ અનુસાર AAP સાંસદ રાઘવ ચઢ્ઢા અને અભિનેત્રી પરિણીતિ ચોપડા ઉદયપુરમાં 23-24 સપ્ટેમ્બરનાં રોજ લગ્ન કરશે. આ ઈવેંટમાં મોટી-મોટી હસ્તીઓ જોડાશે અને એ જ અનુસાર બુકિંગ પણ શરૂ થઈ ગઈ છે.
પરિણીતિ ચોપડાએ ઉદયપુરની કરી વિઝિટ
જો કે અત્યાર સુધી બંનેમાંથી કોઈએ પણ લગ્ન અંગે પુષ્ટિ કરી નથી. પરંતુ અત્રે ઉલ્લેખનીય છે કે થોડા દિવસો પહેલાં પરિણીતિ ચોપડા ઉદયપુર આવી હતી અને અહીં લગ્નને લઈને વિઝિટ કરી હતી. ત્યાંના પ્રશાસનિક અધિકારીઓ સાથે પણ મુલાકાત કરી હતી અને ઉદયપુર વિશે માહિતી એકઠી કરી હતી. પરિણીતિ જયપુર પણ ગઈ હતી અને ત્યાં પણ લગ્નનાં ઈવેંટને લઈને વિઝિટ કરી હતી.
આ હોટલમાં થઈ શકે છે લગ્ન
રિપોર્ટ અનુસાર પરિણીતિ અને રાઘવે લગ્ન માટે ઉદયપુરની સિતારા હોટલને બુક કર્યું છે. તેમનાં લગ્નનાં ઈવેંટ લીલા પેલેસ અને ઉદયવિલાસ હોટલમાં થશે અને મહેમાનો પણ ત્યાં જ રહેશે. બંનેની સિતારા હોટલમાં બુકિંગ થઈ ગઈ છે અને તૈયારીઓ પણ શરૂ કરી દેવામાં આવી છે. કહેવામાં આવી રહ્યું છે કે આ લગ્નમાં રાજનીતિ અને ફિલ્મ ઈંડસ્ટ્રી સાથે સંકળાયેલા અનેક સ્ટાર્સ આવી શકે છે.
23 સપ્ટેમ્બરથી જ શરૂ થઈ શકે છે કાર્યક્રમો
રાઘવ અને પરિણીતિનાં લગ્ન 23-24 સપ્ટેમ્બરનાં થશે. કહેવામાં આવી રહ્યું છે કે મહેમાનો 22 તારીખથી આવવા લાગશે. 23 સપ્ટેમ્બરથી મહેન્દી, હલ્દી અને સંગીતનાં કાર્યક્રમ શરૂ થશે. પરિણીતિ અને રાઘવે 13 મેનાં રોજ દિલ્હીમાં સગાઈ કરી હતી.
