વડોદરા / ગુજરાતના હજારો બાળકોના ભવિષ્ય જોખમમાં! ધો.-1માં પ્રવેશ મુદ્દે વાલીઓ ચિંતિત, કારણ છે ચોંકાવનારું

• ધો. 1માં પ્રવેશ મુદ્દે વાલીઓ મૂંઝવણમાં
• વડોદરામાં વાલીઓએ DEOને રજૂઆત કરી
• 1 વર્ષ બગડે અથવા રીપીટની સ્થિતિ

વડોદરામાં ધોરણ-1માં પ્રવેશ મુદ્દે વાલીઓ અસમંજસની સ્થિતિમાં મુકાયા છે. 6 વર્ષ પૂર્ણ કર્યા બાદ ધોરણ 1માં પ્રવેશના નિયમને લઈ વાલીઓ અસમંજસની સ્થિતિમાં મુકાયા છે. નવા નિયમને લઈ વડોદરામાં વાલીઓએ DEOને રજૂઆત કરી છે. બાળકનું એક વર્ષ બગડે અથવા તો તેને રીપીટ કરાવવા પડે તેવી સ્થિતિ સર્જાઈ છે. સરકારે પરિપત્ર કર્યો ત્યારે બાળકોના પ્રવેશ નર્સરીમાં થઈ ચૂક્યા હતા.

ધો. 1માં પ્રવેશ મુદ્દે વાલીઓ મૂંઝવણમાં
ધોરણ-1 માં પ્રવેશ મુદ્દે વાલીઓ અસમંજસ સ્થિતિમાં મુકાયા છે. કેમ કે, સરકારે નવા નિયમોનું પરિપત્ર બહાર પાડ્યું હતું ત્યારે બાળકોના પ્રવેશ નર્સરીમાં થઈ ચૂક્યા હતા. સરકારના નિયમ મુજબ 6 વર્ષે બાળકોને ધોરણ 1માં પ્રવેશ મળી શકે છે. KG સેકશનના 3 વર્ષ બાદ ધોરણ 1માં પ્રવેશના નિયમને લઈ વાલીઓ અવઢવમાં મુકાયા છે. બાળકનું એક વર્ષ બગડે અથવા તો તેને રીપીટ કરાવવો પડે તેવી સ્થિતિ સર્જાઈ છે. DEO કચેરીએ મોરચા સ્વરૂપે વાલીઓ પહોચ્યા છે. સરકાર મધ્યસ્થી બને અને 1 વર્ષ એક્સટેન્શન આપે તેવી વાલીઓએ માંગ કરી છે. વડોદરા શહેર અને રાજ્યના હજારો બાળકોના ભવિષ્ય પર અસર પડી શકે છે. જો વિદ્યાર્થીને રીપીટ કરવામાં આવે તો 40,000 ઉપરાંતની વાર્ષિક ફી ભરવી પડે.

વડોદરા DEOનું નિવેદન
વડોદરા DEO આર આર વ્યાસે જણાવ્યું કે, સરકારે 2020માં નોટિફીકેશન બહાર પાડ્યું છે. અને જે બાબતે આજે વાલીઓ દ્વારા રજૂઆત કરવામાં આવી છે તે સંસ્થાને ધ્યાન દોરીશું અને તેમના સૂચના મુજબ યથાયોગ્ય કાર્યવાહી કરવામાં આવશે.