- વિશ્વકપ 2023 માટે પાકિસ્તાનની ટીમ પહોંચી ભારત
- પાકિસ્તાનની ટીમ હૈદ્રાબાદમાં કરી રહી છે સ્ટે
- વર્લ્ડકપમાં શામેલ 10 ટીમોનાં ફુડ મેન્યૂ રિલીઝ
પાકિસ્તાનની ટીમ વર્લ્ડકપ 2023 માટે ભારત આવી ચૂકી છે. યોજના અનુસાર પાકિસ્તાની ટીમ હાલમાં હૈદ્રાબાદ પહોંચી છે અને પ્રેક્ટિસ પણ શરૂ કરી દીધી છે. પાકિસ્તાની ટીમનાં ખેલાડીઓને ભારતમાં મળેલા સ્વાગતનાં વખાણ ટીમનાં કેપ્ટન બાબર આઝમથી લઈને PCB પાકિસ્તાન ક્રિકેટ બોર્ડે કર્યાં છે. આ સાથે જ વિશ્વકપમાં જોડાતી તમામ ટીમોને ભોજનમાં શું-શું મળશે તેનું મેન્યૂ પણ ભારત દ્વારા રિલીઝ કરવામાં આવ્યું છે.
બીફ નહીં પીરસવામાં આવે..
મીડિયા રિપોર્ટસ અનુસાર પાકિસ્તાની ક્રિકેટ ટીમને ભારતમાં ચિકન, મટન અને મછલીનાં વ્યંજનો જમાડવામાં આવશે. આ સાથે જ ભારતમાં તમામ 10 ટીમોને બીફ પીરસવામાં આવશે નહીં. ટીમનાં ડાયટ ચાર્ટમાં લેંબ ચોપ, મટન કરી, બટર ચિકન અને માછલી શામેલ કરવામાં આવી છે. આ સાથે જ બાસમતી ચોખા, સ્પેગેટી, પુલાવ, હૈદ્રાબાદી બિરયાની પણ પીરસવામાં આવશે.
7 વર્ષો બાદ પાકિસ્તાની ટીમ ભારત પહોંચી
પાકિસ્તાની ક્રિકેટ ટીમ આશરે 7 વર્ષો બાદ ભારત પહોંચી છે. PCBની તરફથી જે 15 મેંબર્સનું સ્ક્વોડ સિલેક્ટ કરવામાં આવ્યું છે તેમાં 2 જ ખેલાડીઓ એવા છે જે આ પહેલા ભારતમાં ક્રિકેટ રમવા આવ્યાં છે. મોહમ્મદ નવાઝ અને સલમાન આગા આ પહેલા ભારત આવ્યાં છે. કેપ્ટન બાબર આઝમ પણ પહેલીવખત ભારતમાં ક્રિકેટ રમવા આવી રહ્યાં છે. એટલું જ નહીં શાહીન શાહ અફરીદી પણ પહેલી વખત ભારતની ધરતી પર મેચ રમશે. પાકિસ્તાની ટીમની સિક્યોરિટી પણ કડક કરી દેવામાં આવી છે. આ ટીમને હયાત હોટલમાં સ્ટે આપવામાં આવ્યું છે.
