જાણવા જેવુ / સેક્સટોર્શન પર રોક લગાવવા Instagramનું જરુરી કદમ, DMમાં આવતી અશ્લીલ તસ્વીરો થઈ જશે બ્લર

યુવાઓની સુરક્ષા માટે જરૂરી સ્ટેપ્સ ન ઉઠાવવામાં આવતા ઈન્સ્ટાગ્રામ સહિત બીજા સોશિયલ મીડિયા પ્લેટફોર્મ્સને વિશ્વભરમાં આલોચનાઓનો સામનો કરવો પડી રહ્યો છે. ફેસબુક અને ઈન્સ્ટાગ્રામમાં સેક્સટોર્સનને લઈ Metaના સીઈઓ અનેકવાર માફી માંગી ચૂક્યા છે. જેથી હવે Instagram પર ન્યૂડિટી રોકવા માટે એક ફીચર લાવી રહ્યા છે.

ન્યૂડિટી રોકવા પર કામ કરી રહ્યું છે ઇન્સ્ટાગ્રામ 

Metaનું સોશિયલ મીડિયા પ્લેટફોર્મ Instagram હવે ન્યૂડિટી રોકવા માટે એક ફીચર પર કામ કરી રહ્યુ છે. આ ફીચરથી DMમાં એટલે કે ડાયરેક્ટ મેેસેજમાં આવનારી તમામ ન્યૂડિટીવાળી તસ્વીરો ઓટોમેટિકલી બ્લર થઈ જશે. ઈન્સ્ટાએ પોતાના બ્લોગ પોસ્ટમાં આ જાણકારી આપી છે.

Instagramએ આ અંગે જણાવ્યુ છે કે, "કિશોરોના યૌન ઉત્પીડન અને કેરેક્ટટર એસેશિનેશનની ઘટનાઓને પહોંચી વળવા કેટલાક ઉપાયો માટે તેઓ કામ કરી રહ્યા છે, જેનાથી કિશોરોને નિશાન બનાવવા મુશ્કેલ બની જશે. આ સિવાય સેક્યુઅલ એક્સટોર્શન અને સેક્સટોર્શન પર લગામ લાગશે."

આ પણ વાંચોઃ માઇક્રોસોફ્ટ લાવ્યું ગજબનું VASA-1 AI ટૂલ, તમારા એક ફોટાથી બની જશે ઓરિજનલ જેવો વીડિયો

DMમાં અશ્વિલ ફોટો મોકલવા પર પહેલા વોર્નિંગ મળશે

ઈન્સ્ટામાં આ નવા અપડેટ બાદ DMમાં અશ્વિલ ફોટો મોકલવા પર પહેલા વોર્નિંગ મળશે. આ ફીચર દુનિયાના 18 વર્ષથી નાના તમામ યુઝર્સ માટે ડિફોલ્ટ ઓન જ રહેશે. જે લોકો વયસ્ક છે તેમને આ માટે નોટિફિકેશન મળશે.

સેક્સટોર્શન  શું છે ?

ઉલ્લેખનીય છે કે, સેક્સટોર્શનમાં કોઈ વ્યક્તિને ન્યૂડ તસ્વીરો ઓનલાઈન મોકલવા માટે રાજી કરવામાં આવે છે. પછી પીડિતને પૈસા માટે કે શારીરિક સંબંધો નહીં બનાવવા પર તસ્વીરો વાયરલ કરી દેવી, કે તેની ધમકી આપવી સામેલ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો