નિવેદન / સંઘ સુપ્રીમો મોહન ભાગવતનું સ્ફોટક નિવેદન, કહ્યું- 1947નું નહીં 2021નું આ ભારત છે, ફરી નહીં થાય...

• સંઘ પ્રમુખે ‘વિભાજનકાલીન ભારતના સાક્ષી’નું નોઈડામાં લોકાર્પણ કર્યુ
• સંઘ પ્રમુખે કહ્યું કે આ 1947 નથી. 2021નું ભારત છે
•  માતૃભૂમિનું વિભાજન ક્યારેય ન ભૂલાનારુ વિભાજન છે

સંઘ પ્રમુખે કહ્યું કે આ 1947 નથી. 2021નું ભારત છે

મોહન ભાગવતે કહ્યું કે ભાગલા સમયે દેશે બહું ઠોકર ખાધી હતી તેને ભૂલી ન શકાય. એટલા માટે ફરી દેશમાં વિભાજન નહીં થાય. કૃષ્ણાનંદ સાગર દ્વારા લખવામાં આવેલી પુસ્તક ‘વિભાજનકાલીન ભારતના સાક્ષી’નોઈડામાં લોકાર્પણ કરતા સંઘ પ્રમુખે કહ્યું કે આ 1947 નથી. 2021નું ભારત છે. એક વાર દેશના ભાગલા પડી ચૂક્યા છે હવે ફરી દેશના ભાગલા નહીં પડે. તેમણે કહ્યું કે ભારતને ખંડિત કરવાની વાત કરનારા પોતે ખંડિત થઈ જશે.

 માતૃભૂમિનું વિભાજન ક્યારેય ન ભૂલાનારુ વિભાજન છે

આ સાથે ભાગવતે અખંડ ભારતની વકીલાત કરતા કહ્યું કે માતૃભૂમિનું વિભાજન ક્યારેય ન ભૂલાનારુ વિભાજન છે. તેમણે કહ્યુ કે આ ભાગલાથી કોઈ પણ ખુશ નથી. આ એક એવી વેદના છે જે ત્યારે ખતમ થશે જ્યારે ભાગલા ખતમ થશે અને આ ભાગલા નિષ્ફળ જશે. તેમનું કહેવું છે કે જે ખંડિત થયું તેને ફરી અખંડ બનાવવું પડશે.

યોજનાબદ્ધ રીતે ભારતના ભાગલાનું કાવતરુ ઘડવામાં આવ્યું

ભાગવતે કહ્યું કે યોજનાબદ્ધ રીતે ભારતના ભાગલાનું કાવતરુ ઘડવામાં આવ્યું. જે આજે પણ જારી છે. શાંતિ માટે ભાગલા થયા પરંતુ એ બાદ પણ દેશમાં હિંસા થતી રહી.  તેમણે કહ્યું કે હિન્દુસ્તાની ઓળખ હિંન્દુ છે તો તેને સ્વીકારવામાં ખોટું શું છે.  ઘર વાપસી પર બોલતા ભાગવતે કહ્યું કે જો કોઈ પોતાના પૂર્વજોના ઘરે પાછા ફરવા માંગે છે તો અમે તેમનું સ્વાગત કરીશું. પરંતુ કોઈ ન આવવા માંગે તો કોઈ વાંધો નથી. આ સાથે તેમણે કહ્યું કે ભારત સમગ્ર સમાજની માતા છે અને તમામ માટે માતૃભૂમિનું સન્માન કરવું જરુરી છે.

ભાગવતે હિંદુ સમાજને સમર્થવાન બનાવવા માટે આહ્વાન 

વિશ્વ કલ્યાણ માટે હિંદુ સમાજને સમર્થવાન બનાવવા માટે આહ્વાન કરતા સંઘ પ્રમુખે કહ્યું કે આપણે ઈતિહાસને વાંચવો જોઈએ અને તેના સત્યને સ્વીકારવું જોઈએ. જો રાષ્ટ્રને સશક્ત બનાવવુ છે તો યોગદાન આપવું પડશે. તે માટે હિંદુ સમાજને સમર્થવાન બનાવવું પડશે. ભારતની વિચારધારા સૌને સાથે લઈને ચાલવાની છે. આ પોતાના સાચા અને બીજાને ખોટા ગણાવવાની વિચારધારા નથી.