- ચોમાસુ ડેન્ગ્યુ, મેલેરિયા જેવી અનેક બીમારીઓ પણ પોતાની સાથે લઈને આવે છે
- ચોમાસામાં આપણે ભોજનમાં મીઠું ઓછું રાખવું જોઈએ
- ચોમાસામાં રોગપ્રતિકારક શક્તિ વધે તેવો ખોરાક લેવો જોઈએ
Rainy season health tips: દિલ્હી, મુંબઈ સહિત અનેક રાજ્યોમાં ચોમાસાએ દસ્તક આપી છે. જ્યાં એક તરફ ચોમાસામાં ગરમીથી રાહત મળી રહી છે તો બીજી તરફ આ સિઝન ડેન્ગ્યુ, મેલેરિયા જેવી અનેક બીમારીઓ પણ પોતાની સાથે લઈને આવે છે. આ ઋતુમાં તમારે તમારા સ્વાસ્થ્ય પ્રત્યે બેદરકાર ન રહેવું અને સાવચેત રહેવું જરૂરી છે. વરસાદની મોસમમાં સૌથી વધુ ચેપ બહાર ખાવાથી ફેલાય છે. તેથી જો તમારે સ્વસ્થ રહેવું હોય તો આ બાબતોનું ધ્યાન રાખો.
ચોમાસામાં આ ટિપ્સને કરો ફોલો
એક્સપર્ટ સલાહ આપે છે કે, આ ઋતુમાં લોકોએ હંમેશા પાણીને ઉકાળીને જ પીવું જોઈએ. આમ કરવાથી પાણીમાં રહેલા બેક્ટેરિયા અને કીટાણુઓ નાશ પામે છે. આ સિવાય રોજ સવારે નવશેકા પાણીમાં લીંબુ પીવાથી હાનિકારક વાયરસ શરીરમાંથી બહાર નીકળી જાય છે.
.jpg)
મીઠું ઓછું ખાઓઃ ચોમાસામાં આપણે ભોજનમાં મીઠું ઓછું રાખવું જોઈએ અથવા સ્વાદ અનુસાર. મીઠું શરીરમાં સોડિયમની માત્રા વધારવાનું કામ કરે છે, જે ભવિષ્યમાં હાઈ બ્લડ પ્રેશરનું કારણ પણ બની શકે છે. હાઈપરટેન્શન, કાર્ડિયોવેસ્ક્યુલર ડિસીઝ અને ડાયાબિટીસના દર્દીઓએ પણ ભોજનમાં તે મુજબ મીઠું લેવું જોઈએ.
સિઝનલ ફળોનું સેવન કરોઃ આ ઋતુમાં માત્ર સિઝનલ ફળોનું જ સેવન કરવું જોઈએ. તમે વરસાદની ઋતુમાં જાંબુ, પપૈયું, બોર, સફરજન, દાડમ, પીચ અને નાસપતી જેવા ફળો ખાઈ શકો છો. આ ફળોમાંથી મળતું પોષણ શરીરને ચેપ, એલર્જી અને સામાન્ય રોગોથી દૂર રાખે છે.
પૂરતી ઉંઘ લોઃ ચોમાસામાં રોગપ્રતિકારક શક્તિ વધે તેવો ખોરાક લેવો જોઈએ. આમાં તમારે કોળું, ડ્રાયફ્રૂટ્સ, વેજિટેબલ સૂપ, બીટરૂટ અને ટોફુ જેવી વસ્તુઓ ખાવી જોઈએ. આ સિવાય દરરોજ 7-8 કલાકની પૂરતી ઊંઘ લેવી જોઈએ.
સ્ટ્રીટ ફૂડ ટાળોઃ વરસાદની સિઝનમાં તમને સ્ટ્રીટ ફૂડ ખાવાનું મન થાય છે, પરંતુ જો તમને તમારું સ્વાસ્થ્ય વ્હાલુ હોય તો તમારે બહારનું ખાવાનું ટાળવું જોઈએ. સ્ટ્રીટ ફૂડ બનાવતી વખતે સ્વચ્છતાનું બહુ ધ્યાન રાખવામાં આવતું નથી. આવી સ્થિતિમાં ઘણી વખત રાખેલી કે તળેલી રોસ્ટ વસ્તુ ખાવાથી પેટની સમસ્યા થઈ શકે છે.
કાચું ખાવાનું ટાળોઃ ચોમાસામાં તમારે કાચો ખોરાક ખાવાનું ટાળવું જોઈએ. આ સિઝનમાં મેટાબોલિઝમ ખૂબ જ ધીમી ગતિએ કામ કરે છે. જેના કારણે ખોરાક મોડા પચે છે. વરસાદમાં બહારનું જ્યુસ અને સલાડ ખાવાનું ટાળો. લાંબા સમય પછી કાપેલા ફળો ન ખાવા.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
