- મોદીએ રાજસ્થાનના શિકરમાં એક જંગી જનસભા સંબોધી
- કોંગ્રેસ સહિતના વિપક્ષને લીધા આડેહાથ
- વિપક્ષી ગઠબંધન પર વધુ એક વખત શાબ્દિક પ્રહાર કર્યો
રાજસ્થાનમાં આ વર્ષે વિધાનસભાની ચૂંટણી યોજવા જઈ રહી છે જેના ભાગરૂપે રાજકીય ગતિવિધિઓ તેજ બની રહી છે. રાજકીય પક્ષોના મોટા ગજાના નેતાઓનું પણ રાજસ્થાનમાં આવાગમન વધ્યું છે. જેમાં મહત્વની વાત છે કે વડાપ્રધાન છેલ્લા છ મહિનામાં સાતમી વખત રાજસ્થાનની મુલાકાતે દોડી ગયા હતા. આ દરમિયાન તેઓએ 27 જુલાઈના રોજ રાજસ્થાનના શિકરમાં એક જંગી જનસભા સંબોધી હતી. આ વેળાએ તેમણે વિપક્ષી ગઠબંધન પર વધુ એક વખત શાબ્દિક પ્રહાર કર્યો હતો.
વડાપ્રધાન મોદીએ આશાવાદ વ્યક્ત કર્યો કે...
નરેન્દ્ર મોદીએ જણાવ્યું હતું કે I.N.D.I.A. ના લેવલ તળે તેઓ પોતાના જૂના કારનામા એટલે કે યુપીએસ સમયની લીલાઓ છુપાવવા માંગે છે. જો તેમને ખરેખર ભારતવાસીઓની ચિંતા હોય તો તેઓ વિદેશોને ભારતમાં દખલ દેવાનું કહે? તેઓએ વધુ એક જ સૂત્ર આપતા જણાવ્યું હતું કે 'ઇન્દિરા ઇઝ ઇન્ડિયા, ઇન્ડિયા ઇસ ઇન્દિરા' જે એ સમયે જનતાએ તેઓને ઉખાડી ફેંક્યા હતા. જોકે ફરી આ અહંકારી લોકોએ એવું કર્યું છે. તેઓ કહે છે કે યુપીએ જ ઇન્ડિયા છે. ઇન્ડિયા જ યુપીએ છે. જોકે જનતા વધુ એક વખત બહારનો રસ્તો બતાવે તેવો વડાપ્રધાન મોદીએ આશાવાદ વ્યક્ત કર્યો હતો.
કોંગેસ છેતરપિંડી કરતી કંપનીઓની માફક નામ બદલે છે
કોંગ્રેસને આડે હાથ લેતા વડાપ્રધાન મોદીએ તેઓને છેતરપિંડી કરતી કંપનીઓની માફક નામ બદલવાનો પણ આરોપ લગાવી દીધો હતો. વડાપ્રધાને કહ્યું હતું કે કોંગ્રેસે દિશા વિહીન પાર્ટી બની ગઈ છે અને કોંગ્રેસ અને તેના સાથી પક્ષો છેતરપિંડી કરતી કંપનીઓની માફક પોતાનું નામ બદલી નાખ્યું છે. મોદીએ કહ્યું કે I.N.D.I.A.નામ દેશભક્તિ બતાવવા નહિ પરંતુ દેશને લૂંટવાના ઇરાદે રાખ્યું છે. નામ બદલાવી કોંગ્રેસ પોતાના કાર્યકાળ દરમિયાન લાગેલ આતંકવાદ સામે ઘૂંટણીએ પડી જવાનું કલંક દૂર કરવા માંગે છે. તેમ અંતમાં મોદી એ કહ્યું હતું.
