હેલ્થ ટિપ્સ / દૂધમાં રોજ આ એક વસ્તુ મિક્સ કરીને પીવો, મળશે શરદી-ખાંસીથી છૂટકારો, સ્કીનને કરશે હાઇડ્રેટ..., થશે અનેક ફાયદા

• દૂધ અને ઘી સ્વાસ્થ્ય માટે ખૂબ જ સારૂ માનવામાં આવે 
• બન્નેનું એકસાથે સેવન કરવાથી ફાયદો બે ઘણો વધી જાય છે
• દૂધ અને ઘીનું એક સાથે સેવન કરવાથી શું શું ફાયદા થાય છે? 

દૂધ આપણા સ્વાસ્થ્ય માટે ખૂબ જ ફાયદાકારક છે. દૂધમાં કેલ્શિયમ, પ્રોટીન, પોટેશિયમ અને ફોસ્ફોરસ વગેરે ભરપૂર માત્રામાં હોય છે. હાડકા માટે દૂધ ખૂબ જ જરૂરી છે. પરંતુ શું તમે જાણો છો કે દૂઘની સાથે ઘીનું સેવન કરવુ સ્વાસ્થ્ય માટે વધુ ફાયદાકારક સાબિત થાય છે. 

ઘી સ્વાસ્થ્ય માટે ખૂબ જ સારૂ માનવામાં આવે છે. તે શરીરની કમજોરીને દૂર કરે છે. એવામાં દૂધ અને ઘીનું એકસાથે સેવન કરવાથી ફાયદો બે ઘણો વધી જાય છે. આવો જાણીએ દૂધ અને ઘીનું એક સાથે સેવન કરવાથી શું શું ફાયદા થાય છે. 

અનિદ્રા
ઘણા લોકોને રાત્રે ઉંઘ ન આવવાની સમસ્યાનો સામનો કરવો પડે છે. એવામાં દૂધનમાં ઘી નાખીને પીવાથી ખૂબ ફાયદો થાય છે. તે તમારા મગજની નસોને શાંત કરવાનું કામ કરે છે અને તમે રિલેક્સ ફીલ કરો છો.

શારીરિક અને માનસિક નબળાઇ
આયુર્વેદ પ્રમાણે એક ગ્લાસ દૂધમાં એક ચમચી ગાયનું દૂધ અને મિશ્રી મિક્સ કરીને નિયમિત પીવાથી શારીરિક, માનસિક અને મગજનો થાક દૂર કરો છો. આ દૂધ શરીરને મજબૂત બનાવે છે. જો ગર્ભવતી મહિલા આ દૂધનું સેવન કરે છે તો ગર્ભમાં બાળક સ્વાસ્થ્યમંદ અને બુદ્ધિમાન બને છે.

પાચન ક્રિયા માટે
જો તમને અપચો અથવા કબજિયાતની સમસ્યા હોય તો તમે દૂધ અને ઘીનું સેવન કરી શકો છો. તેનાથી તમારી કબજિયાતની સમસ્યા દૂર થશે અને તમારું સ્વાસ્થ્ય પણ સારું રહેશે. ગાયના દૂધમાં એક ચમચી ઘી મિક્સ કરીને તેનું સેવન કરવાથી કબજિયાતની સમસ્યામાં રાહત મળે છે, તેનું સેવન પાચનતંત્રને મજબૂત બનાવવામાં મદદ કરી શકે છે, એસિડિટી પણ દૂર કરે છે, તે પેટને યોગ્ય રીતે સાફ કરવામાં મદદરૂપ છે.

ઇમ્યુનિટી બૂસ્ટ
દૂધ સાથે ઘીના સેવનથી રોગપ્રતિકારક શક્તિ વધારવામાં મદદ થાય છે. સામાન્ય રીતે રોગપ્રતિકારક શક્તિ નબળી પડે ત્યારે શરદી-ખાંસી જેવી સમસ્યા થાય છે દૂધ સાથે ઘીના સેવનથી તે સમસ્યા દૂર થાય છે. આ આંતરડા માટે પણ ફાયદાકારક છે અને પેટની બળતરાને દૂર કરવામાં કારગર છે.

સ્કિન
દૂધ અને ઘીનું એક સાથે સેવન કરવાથી સ્કિનને ખૂબ ફાયદો થાય છે. દૂધ અને ઘી બન્ને પ્રાકૃતિક મોઈસ્ચરાઈઝર છે. તે વધતી ઉંમરના અસરને ઓછી કરે છે.