વિચિત્ર ઘટના / લો બોલો! જેની પર હતો કરોડો ડૉલરના કૌભાંડનો આક્ષેપ, એ શખ્સ ડેટિંગ App પરથી મળી આવ્યો, પોલીસે દબોચ્યો

• કરોડોની છેતરપિંડી કરનાર એક વ્યક્તિની પોલીસે ધરપકડ કરી 
• વ્યક્તિને ગયા વર્ષે ઓક્ટોબરમાં 9,70,000 ડોલરની લૂંટ કરી હતી
• મેચ ડોટ કોમ નામની સાઈટ પર પોતાની પ્રોફાઈલ બનાવી હતી

સોશિયલ મીડિયાનો આ યુગ પોલીસને ગુનેગારોને પકડવામાં પણ મદદ કરી રહ્યો છે. કરોડોની છેતરપિંડી કરનાર એક વ્યક્તિની પોલીસે ધરપકડ કરી છે. તે છેલ્લા એક વર્ષથી વોન્ટેડ હતો. તે અગાઉ ખેડૂત તરીકે કામ કરતો હતો. તેની ભૂલ એ છે કે તેણે ડેટિંગ એપ પર એકાઉન્ટ બનાવ્યું હતું. મામલો ઇંગ્લેન્ડના સફોકનો છે. તેણે મેચ ડોટ કોમ નામની સાઈટ પર પોતાની પ્રોફાઈલ બનાવી હતી. જ્યારે પોલીસને આ વાતની જાણ થઈ તો તે પણ આશ્ચર્યચકિત થઈ ગઈ.

$970,000 લૂંટાયા

ન્યૂયોર્ક પોસ્ટે તેના અહેવાલમાં જણાવ્યું હતું કે 35 વર્ષીય વ્યક્તિને ગયા વર્ષે ઓક્ટોબરમાં 9,70,000 ડોલરની લૂંટનો દોષી ઠેરવવામાં આવ્યો હતો. આ પૈસા સપ્લાયર્સના હતા. તેને ફેબ્રુઆરીમાં સજા સંભળાવવાની હતી. પરંતુ તે કોર્ટમાં હાજર રહ્યો ન હતો. ત્યારથી પોલીસ તેને શોધી રહી હતી પરંતુ તે ક્યાંય મળ્યો ન હતો. પરંતુ જ્યારે તેણે પોતાના માટે પાર્ટનર શોધવા માટે ડેટિંગ એપ પર પ્રોફાઈલ બનાવી તો તેને પકડવો સરળ બની ગયો. સફોક કાઉન્ટી કાઉન્સિલના પ્રવક્તાએ કહ્યું, એવું માનવામાં આવે છે કે વેઇન પાર્કર જે ભાગેડુ દોષિત છે, તે ડેટિંગ વેબસાઇટનો ઉપયોગ કરી રહ્યો હતો.

2020 માં 12 અઠવાડિયાની જેલની સજા ફટકારવામાં આવી હતી

સફોક ટ્રેડિંગ સ્ટાન્ડર્ડ્સના વડા ગ્રેહામ ક્રિસ્પે કહ્યું, તે વાહનો ભાડે રાખતો હતો, જેથી તે પોલીસથી ભાગી શકે. તે કહેતો હતો કે તે સફોકમાં પાછો ફરશે અને તેના કાર્યોની સજાનો સામનો કરશે. પણ ક્યારેય પાછો ફર્યો નહીં. તે જાણતો હતો કે પોલીસ વહેલા-મોડા તેની ધરપકડ કરશે. અમે તો ઈચ્છતા હતા કે બને તેટલી વહેલી તકે તે પોતાની જાતને અમને સોંપી દે. બોવાઇન ટ્યુબરક્યુલોસિસ ફેલાવવા માટે ગંભીર ખતરો ઉભો કરવા બદલ તે પહેલેથી જ ટ્રાયલનો સામનો કરી રહ્યો છે. તે પ્રાણીઓના ઉછેરની યોગ્ય રીતનો ઉપયોગ કરી રહ્યો ન હતો. તેમના મૃત્યુ બાદ તેમના અવશેષોનો પણ નિકાલ કરવામાં આવ્યો ન હતો. તેને ફેબ્રુઆરી 2020 માં 12 અઠવાડિયાની જેલની સજા ફટકારવામાં આવી હતી. આ ઉપરાંત બિઝનેસ કરવા પર 18 મહિનાનો પ્રતિબંધ હતો. આ સાથે તેને 155 ડોલરનો દંડ ભરવાનું પણ કહેવામાં આવ્યું હતું.