શૉકિંગ / સુપરસ્ટારની હાલત નાજુક: બાયપાસ સર્જરી બાદ વેન્ટિલેટર પર કરાયા શિફ્ટ, ફેન્સ માંગી રહ્યા છે દુઆ

• ફેમસ એક્ટર શ્રીનિવાસનની હાલત નાજુક
• હોસ્પિટલમાં વેન્ટિલેટર પર
• 30 માર્ચે આવ્યો હતો કાર્ડિયક અરેસ્ટ

મલયાલમ ફિલ્મોના ફેમસ એક્ટર શ્રીનિવાસનની હાલત નાજુક છે. તેમને હોસ્પિટલમાં વેન્ટિલેટર પર રાખવામાં આવ્યા છે. નેશનલ એવોર્ડ જીતી ચુકેલા શ્રીનિવાસનને ગયા 30 માર્ચે કાર્ડિયક અરેસ્ટ આવ્યો હતો. જ્યાર બાદ 31 માર્ચે તેમની ઈમરજન્સી બાયપાસ સર્જરી કરવી પડી હતી. 

31 માર્ચે હતો જન્મ દિવસ 
હોસ્પિટલના ડોક્ટરોના જણાવ્યા અનુસાર તેમની તબીયતમાં સુધારો થઈ રહ્યો છે. જેના કારણે તેમને સ્ટેબલ કરવા માટે વેન્ટિલેટર સપોર્ટ પર રાખવામાં આવ્યા છે. મેડિકલ રિપોર્ટ અનુસાર, શ્રીનિવાસન ટ્રિપલ વેસલ ડિઝીઝથી પીડિત છે. મહત્વની વાત એ છે કે 31 માર્ચે જ શ્રીનિવાસનનો 66મો જન્મ દિવસ પણ હતો.  

સોશિય મીડિયા પર 'ગેટ વેલ સૂન'ના મેસેજ
શ્રીનિવાસનની હાલત નાજુક હોવાની ખબર આવતા જ ફેન્સ તેમના જલ્દી સ્વસ્થ્ય થવાની કામના કરી રહ્યા છે. સોશિય મીડિયા પર 'ગેટ વેલ સૂન'ના મેસેજ પણ ખૂબ વાયરલ થઈ રહ્યા છે. મલયાલમ ફિલ્મ ઈન્ડસ્ટ્રીના સૌથી પોપ્યુલર એક્ટર્સમાંથી એક શ્રીનિવાસને 250થી વધુ ફિલ્મોમાં કામ કર્યું છે. તે એક્ટર હોવાની સાથે તે લોકપ્રિય સ્ક્રિપ્ટ રાઈટર, પ્રોડ્યુસર અને ડાયરેક્ટર પણ છે. 

પરિવારમાં પત્ની અને બે દિકરા 
પોતાના 50 વર્ષથી વધુ લાંબા કરિયરમાં શ્રિનિવાસને મોહનલાલની સાથે સૌથી વધારે ફિલ્મો કરી છે. વર્ષ 1976માં એક્ટિંગ ડેબ્યુ કરનાર શ્રીનિવાસની સુપરહિટ ફિલ્મોમાં 'ગાંધીનગર 2 સ્ટ્રીટ', 'વરવેલપુ', અને 'નાડોડિક્કટ્ટૂ' જેવી ફિલ્મોનો સમાવેશ થાય છે. પરિવારમાં શ્રીનિવાસનની પત્ની ઉપરાંત બે દિકરા વિનીત અને ધ્યાન પણ છે. બન્ને બાળકો પણ ફિલ્મ ઈન્ડસ્ટ્રીમાં પોતાની અલગ ઓળખ ધરાવે છે.