રાહત / PF ખાતાધારકો માટે મોટી ખુશખબર, હાઈકોર્ટે EPFOને આપ્યો 'ખાસ ગોઠવણી' કરવાનો ઓર્ડર

• EPF સભ્યોના હિતને ધ્યાનમાં રાખીને હાઈકોર્ટનો ઇપીએફઓને ઓર્ડર
• પોર્ટલમાં એક નવી ગોઠવણી કરો
• કર્મચારીઓને પૂર્વ સંમતિના પુરાવા વિના વધારે યોગદાનનો મળી શકે વિકલ્પ 

કેરળ હાઈકોર્ટે ગુરુવારે EPF સભ્યોના હિતને ધ્યાનમાં રાખીને કર્મચારી ભવિષ્ય નિધિ સંગઠન (ઇપીએફઓ) ને એક મોટો આદેશ આપ્યો છે. કોર્ટે ઇપીએફઓને તેના પોર્ટલમાં એક મિકેનિઝમ મૂકવા જણાવ્યું હતું, જેથી કર્મચારીઓ અને પેન્શનરો પૂર્વ સંમતિના પુરાવા આપ્યા વિના 
વધારે પૈસા જમા કરાવવાનો વિકલ્પ પસંદ કરી શકે.

The #KeralaHighCourt on Wednesday ordered the #EPFO to allow employees to contribute towards higher pension without insisting on proof of having chosen for the same earlier, as specified in the scheme. https://t.co/fCmUfrIvnO

— The Times Of India (@timesofindia) April 13, 2023

પરવાનગીના આગ્રહ વગર સ્વીકારી રહ્યાં છે ફાળો 
જસ્ટીસ ઝિયાદ રહેમાન એએ બુધવારે કર્મચારીઓ અને પેન્શનરો દ્વારા દાખલ કરેલી અરજીની સુનાવણી દરમિયાન વચગાળાનો આદેશ આપ્યો હતો. અરજીમાં દાવો કરવામાં આવ્યો હતો કે ઉચ્ચ યોગદાનનો વિકલ્પ પસંદ કરતી વખતે, પૂર્વ સંમતિની એક નકલ આપવી પડે છે, જે ઇપીએફ યોજના, 1952 હેઠળ ફરજિયાત છે. અરજદારોએ દલીલ કરી હતી કે ઇપીએફઓએ ક્યારેય આવી પરવાનગી આપવાનો આગ્રહ રાખ્યો નથી અને તેઓ વધુ પૈસા સ્વીકારી રહ્યા છે.

ઓનલાઈન ફોર્મમાં કોલમ ભરી શકતા નથી
અરજદારોએ કહ્યું કે તેઓ આ નિયમને કારણે ઓનલાઇન ફોર્મમાં તે કોલમ ભરી શકતા નથી અને તેઓ પૂર્વ સંમતિના પુરાવા વિના તેને સબમિટ કરી શકતા નથી. જો તેઓ 3 મેની છેલ્લી તારીખ પહેલા આવું નહીં કરે તો તેઓ આ યોજનાનો લાભ નહીં લઈ શકે. સુપ્રીમ કોર્ટે વધુ યોગદાનનો વિકલ્પ પસંદ કરવા માટે 3 મે સુધીનો સમય આપ્યો છે.

પોર્ટલ બદલી ન શકાય તો ઓફલાઇન અરજીઓ સ્વીકારવાની જોગવાઈ કરો 
ઈપીએફઓએ આ દલીલોનો વિરોધ કર્યો હતો અને દલીલ કરી હતી કે લાભ મેળવવા માટે આગોતરી જરૂરિયાત એ "મહત્વપૂર્ણ આવશ્યકતા" છે. તમામની દલીલો સાંભળ્યા બાદ હાઇકોર્ટે કહ્યું હતું કે, અરજદારોને વચગાળાની રાહત મળવી જોઇએ. કોર્ટે કહ્યું કે, જો પોર્ટલ બદલી ન શકાય તો ઓફલાઇન અરજીઓ સબમિટ કરવા જેવા અન્ય વિકલ્પો ઉપલબ્ધ કરાવવા જોઇએ. હાઈકોર્ટના 12 એપ્રિલના આદેશની તારીખથી 10 દિવસની અંદર તમામ કર્મચારીઓ અને પેન્શનરોને આ સુવિધાઓ ઉપલબ્ધ કરાવવી જોઈએ.