બોલીવુડ / સૌને પૂજા કરવાનો અધિકાર પણ....: શાહરૂખ-આમિરને લઇ ભાજપના મંત્રીનું ચોંકાવનારું નિવેદન, જુઓ શું કહ્યું

• શાહરૂખ-આમિરની પૂજા પર MPના ગૃહ મંત્રીનુ નિવેદન
• બધાને પોતાની આસ્થા મુજબ પૂજાનો અધિકાર
• પરંતુ કોઈએ કોઈની લાગણી ના દુભાવવી જોઈએ

અભિનેતાઓની પૂજા-અર્ચના પર MPના ગૃહમંત્રી નરોત્તમ મિશ્રાનુ નિવેદન

આમિર ખાન અને હિન્દી સિનેમાના કિંગ શાહરૂખ ખાન હાલમાં પૂજા-અર્ચના કરતા દેખાયા. આમિરની તસ્વીરો આવી હતી. જેમાં તેઓ ઓફિસમાં કળશ પૂજા કરી રહ્યાં હતા. જ્યારે થોડા દિવસ પહેલા શાહરૂખ ખાન કટરામાં વૈષ્ણો દેવી માતાના દરબારમાં દર્શન કરવા ગયા હતા. આ બંને અભિનેતાના પૂજા-અર્ચના બાબતે મધ્ય પ્રદેશના ગૃહ મંત્રી નરોત્તમ મિશ્રાનુ નિવેદન સામે આવ્યું છે. તેમણે કહ્યું છે કે બધાને પોતાની આસ્થા મુજબ પૂજાનો અધિકાર છે, પરંતુ કોઈની લાગણીને દુભાવી ના જોઈએ. 

સમાજ જાગૃત થયો છે: નરોત્તમ મિશ્રા 

એક પત્રકાર પરિષદ દરમ્યાન ગૃહ મંત્રીને સવાલ થયો કે શાહરૂખ વૈષ્ણો દેવી ગયા અને આમિર પૂજા કરતા દેખાયા, જવાબમાં નરોત્તમ મિશ્રાએ કહ્યું, સમાજ હવે જાગૃત થયો છે. આ વાત હવે આ બધાને સમજમાં આવી ગઇ છે તો સારું છે. બધાને પોતાની આસ્થા મુજબ પૂજા કરવાનો અધિકાર છે. જેની આસ્થા જેમાં છે, તેઓ તેમની પૂજા કરે, પરંતુ કોઈની લાગણી ના દુભાવે. માત્ર એટલી જ વાત છે. 

सभी को अपनी-अपनी आस्था के अनुसार पूजा-अर्चना करने का अधिकार है, लेकिन किसी की भावना को आहत नहीं करें। pic.twitter.com/DCl3Q6joJy

— Dr Narottam Mishra (@drnarottammisra) December 13, 2022

શાહરૂખ અને આમિરની તસ્વીરો થઇ હતી વાયરલ 

મહત્વનું છે કે થોડા દિવસો પહેલા શાહરૂખ ખાનના અમુક વીડિયો અને તસ્વીરો સામે આવી હતી. જેમાં તેઓ વૈષ્ણો દેવી મંદિરમાં ગયા હતા. રિપોર્ટસમાં કહેવામાં આવ્યું હતુ કે શાહરૂખ ખાન પોતાની અપકમિંગ ફિલ્મ પઠાણની સફળતાની દુઆ માંગવા પહોંચ્યા હતા. તો આમિર ખાને પણ હાલમાં પોતાની ઓફિસમાં પૂજા કરી હતી અને માથા પર ચાંલ્લો કર્યો હતો. આ બંને સેલિબ્રિટીઓની તસ્વીરોને પ્રશંસકોએ ખૂબ પસંદ કરી હતી.