ગજબ / ગણપતિ બાપ્પાનું આધાર કાર્ડ! જમશેદપુરમાં ગણેશજીનો અનોખો પંડાલ, સ્કેન કરીને કરી શકાય છે દર્શન

• ઝારખંડમાં જોવા મળ્યું ગણેશજીનું આધાર કાર્ડ 
• આધાર કાર્ડ પર ગણેશજીની તસવીર સાથે એડ્રેસ અને આધાર નંબર પણ જોવા મળ્યો 
• કાર્ડ સ્કેન કરતાં ગણેશજીનો ફોટો જોવા મળે છે 

ઝારખંડમાં જોવા મળ્યું ગણેશજીનું આધાર કાર્ડ 

ઝારખંડનાં જમશેદપુરમાં ભગવાન ગણેશનો આધાર કાર્ડવાળો પંડાલ બનાવવામાં આવ્યો હતો, જેમાંઆ તેમની તસવીરની સાથે સાથે આધાર કાર્ડ નંબર પણ આપવામાં આવ્યો છે. આ કાર્ડને સ્કેન કરવાથી ગણેશજીની તસવીર પણ આવે છે, જે જોઇને લોકો ઉત્સાહિત થઈ જાય છે અને સેલ્ફી પણ લેવા લાગે છે.  આનાં માધ્યમથી એ સંદેશ આપવાની કોશિશ થઈ રહી છે કે આધાર કાર્ડ કેટલું મહત્વનું છે. 

Jharkhand | A Ganesh Pandal in Jamshedpur has been made in the form of an Aadhar card which identifies the address of Lord Ganesha in Kailash & his date of birth during the 6th century #GaneshChaturthi pic.twitter.com/qupLStkut6

— ANI (@ANI) September 1, 2022

કાર્ડ સ્કેન કરતાં ગણેશજીનો ફોટો જોવા મળે છે 

ઝારખંડમાં જમશેદપુરમાં ભગવાન ગણેશનો આ આધાર કાર્ડવાળો પંડાલ લોકોમાં ચર્ચાનો વિષય બન્યો છે. ભગવાન ગણેશના આધાર કાર્ડમાં તેમની તસવીર, આધાર નંબર, એડ્રેસ પણ આપવામાં આવ્યા છે. એડ્રેસ છે Shree Ganesh S/o Mahadev, Kailash Parvat, Top Floor, Near, Mansarover, Lake, Kailash Pincode- 000001. 

આધાર કાર્ડ પર ગણેશજીની તસવીર સાથે એડ્રેસ અને આધાર નંબર પણ જોવા મળ્યો 

આ કાર્ડ સ્કેન કરવા પર ભગવાન ગણેશની તસવીર પણ આવે છે, જેને જોઈને લોકો ઉત્સાહિત થઈ થતાં જોવા મળે છે. પૂજા પંડાલનાં સંયોજક સૌરભ કુમાર જણાવે છે કે તેઓ એકવાર કોલકાતા ગયા હતા. ત્યાં તેમણે જાતજાતના પૂજા પંડાલ જોયા હતા, જેનો સંબંધ સામાન્ય માણસનાં જીવન સાથે હતો. પંડાલનાં માધ્યમથી કોઈને કોઈ સંદેશ આપવામાં આવે છે, એ વાતને ધ્યાનમાં રાખીને તેમણે ભગવાન ગણેશનું આધાર કાર્ડ બનાવ્યું. આ માધ્યમથી તેઓ સંદેશ આપવાની કોશિશ કરી રહ્યા છે કે જેમણે આધાર કાર નથી બનાવડાવ્યું, તેઓ વહેલી તકે બનાવડાવી લે કેમકે આધાર કાર્ડ મહત્વપૂર્ણ છે.