ચૂંટણી / મોદીજીએ તો ના આપ્યાં 15 લાખ, અમે તો ખટાખટ...ખટાખટ એકાઉન્ટમાં નાખીશું પૈસા: રાહુલ ગાંધી

કાનપુરઃ દિલ્હીની સત્તા સુધી પહોંચવા માટે ચૂંટણી સમરમાં જોર-શોરથી જોડાયેલ કોંગ્રેસ અધ્યક્ષ રાહુલ ગાંધીએ બુધવારનાં રોજ કાનપુરમાં પીએમ મોદીને એક વાર ફરીથી ટાર્ગેટ કર્યા છે. રાફેલ અને ભાગેડું ઉદ્યોગપતિઓને બહાને રાહુલે મોદી પર અનેક ગંભીર આરોપો પણ લગાવ્યાં છે. આ દરમ્યાન એ પણ વાયદો કર્યો છે કે જો કોંગ્રેસની સરકાર આવે છે તો તે ભ્રષ્ટ ઉદ્યોગપતિઓનાં એકાઉન્ટમાંથી પૈસા નીકાળીને ગરીબ, મજૂર અને ખેડૂતોમાં વહેંચી દેશે.

કાનપુરમાં એક ચૂંટણી રેલી દરમ્યાન રાહુલે પીએમ પર બરાબર આકરા પ્રહાર કર્યા છે. કાર્યકર્તાઓમાં જોશ ભરતા રાહુલે કહ્યું કે, નરેન્દ્ર મોદી હવે આંખ નથી મિલાવી શકતાં. આવું એટલાં માટે સંભવ થયું કેમ કે કોંગ્રેસનાં કાર્યકર્તા બબ્બર શેર છે. તેઓનાં જોશે આ કામ બખૂબીથી કરી દીધું છે.

આ પહેલાં ઉન્નાવમાં એક ચૂંટણીલક્ષી રેલી દરમ્યાન રાહુલે એક વાર ફરીથી 'ચોકીદાર ચોર છે'નાં નારાને ઉછાળ્યો છે. રાહુલે કહ્યું કે, 'આ ચોકીદાર 5 વર્ષમાં ચોર કેવી રીતે બની ગયાં? આ થયું કેવી રીતે... પહેલાં તો તેઓએ કહ્યું હતું કે 56 ઇંચની છાતી છે. મુજે પીએમ મત બનાઓ... ચોકીદાર બનાઓ. બે કરોડ યુવાઓને રોજગાર આપવાનો વાયદો હતો. 15 લાખ રૂપિયા બેંક એકાઉન્ટમાં નાખવાનો વાયદો કર્યો હતો... 5 રૂપિયા પણ ના આવ્યાં. આપ લોકોએ શું ક્યારેય મોદીજીને સવાલ કર્યો.. કે કેમ ના આવ્યાં... હવે આવતી વખતે આવે તો આ સવાલ જરૂરથી કરજો.'

'અમે ખટાખટ...ખટાખટ પૈસા આપીશું'
રાહુલે સવાલિયા લહેકામાં રેલીમાં હાજર લોકોને પૂછ્યું કે, 'જ્યારે કોઇ વાયદો પૂર્ણ નથી થયો તો ચોકીદારે છેલ્લાં 5 વર્ષમાં શું કર્યુ? નરેન્દ્ર મોદીએ 15 લાખનું જુઠ બોલ્યાં પરંતુ હવે છોડો. હું આપને જણાવવા માંગુ છું કે કોંગ્રેસ આપનાં માટે શું કરશે. 72 હજાર રૂપિયા બેંક એકાઉન્ટમાં, જ્યાં સુધી આપની આવક દર મહીને 12 હજારથી વધારે નહીં હોય ત્યાં સુધી ન્યાય યોજના અંતર્ગત ખટાખટ...ખટાખટ આપનાં બેંક એકાઉન્ટમાં પૈસા આવી જશે. પહેલાં 100 દિવસનું મનરેગા અને હવે 150 દિવસનું હશે. મનરેગાનાં પૈસા મળશે પરંતુ જો 12 હજારથી ઓછી આવક છે તો ન્યાય યોજનાનાં પૈસા પણ ખટાખટ...ખટાખટ...ખટાખટ આપનાં બેંક એકાઉન્ટમાં આવી જશે.'