- બિશ્નોઇ ગેંગના તાર રાજકોટ સુધી લંબાયા
- દિલ્લીમાં બે કરોડની ખંડણી કેસમાં ત્રણ શખ્સોની ધરપકડ
- રાજકોટના હરેન નામના શખ્સની દિલ્લીમાં ધરપકડ
- બિશ્નોઇ ગેંગે રાજકોટના હરેનનો ઇન્સટાગ્રામથી કર્યો હતો સંપર્ક
- લોરેન્સ બિશ્નોઇના ભાઈ અનમોલે હરેનનો કર્યો હતો સંપર્ક
- કઈ રીતે ખંડણી માંગવામાં આવી તેની સમગ્ર હકીકત હરેને કબુલી
બિશ્નોઇ ગેંગના તાર રાજકોટ સુધી લંબાયા હોવાનુ સામે આવ્યું છે. વાત જાણે એમ છે કે, દિલ્લીમાં બે કરોડની ખંડણી કેસમાં ત્રણ શખ્સોની ધરપકડ કરાઇ છે. જેમાં રાજકોટના હરેન નામના શખ્સની પણ ધરપકડ કરાઇ હોવાનું સામે આવ્યું છે. મહત્વનું છે કે, બિશ્નોઇ ગેંગે રાજકોટના હરેનનો ઇન્સટાગ્રામથી સંપર્ક કર્યો હતો. આ તરફ હવે રાજકોટના હરેને કઈ રીતે ખંડણી માંગવામાં આવી તેની સમગ્ર હકીકત કબૂલી હતી.
દેશના વિવિધ રાજ્યમાં આતંક ફેલાવનાર લોરેન્સ બિશ્નોઈનું કનેક્શન પાકિસ્તાનથી ખુલ્યું છે તેમને જણાવી દઈએ કે, ગેંગસ્ટર લોરેન્સ બિશ્નોઈને ગુજરાત લાવવામાં આવ્યો હતો. ત્યારબાદ નલિયા કોર્ટેમાં રજૂ કરાઈ રિમાન્ડની માગણી કરવામાં આવતા કોર્ટે 14 દિવસના રિમાન્ડ મંજૂર કર્યા હતા. ત્યારે અગાઉ 14 દિવસના રિમાન્ડ પૂર્ણ થતાં ગેંગસ્ટર લોરેન્સ બિશ્નોઈને કચ્છની નલિયા કોર્ટમાં રજૂ કરાયો હતો.
બિશ્નોઇ ગેંગના તાર રાજકોટ સુધી લંબાયા
ગેંગસ્ટર લોરેન્સ બિશ્નોઇને અગાઉ ગુજરાત લવાયા બાદ દરરોજ નવી અપડેટ સામે આવી રહી છે. આ દરમ્યાન હવે બિશ્નોઇ ગેંગના તાર રાજકોટ સુધી લંબાયા હોવાનું પણ ખૂલતાં હડકંપ મચી ગયો છે. વાત જાણે એમ છે કે, દિલ્હીમાં બે કરોડની ખંડણી કેસમાં પોલીસ ત્રણ ઇસમોની ધરપકડ કરી હતી. જેમાં એક વ્યક્તિ રાજકોટનો હરેન હોવાનું ખૂલ્યું છે.
બિશ્નોઇ ગેંગે હરેનનો સંપર્ક કેવી રીતે કર્યો ?
બિશ્નોઇ ગેંગે રાજકોટના હરેનનો ઇન્સટાગ્રામથી સંપર્ક કર્યો હતો. લોરેન્સ બિશ્નોઇના ભાઈ અનમોલે હરેનનો સંપર્ક કર્યો હતો. instagram પર સંપર્ક કરીને હરેનને ગેંગનો સભ્ય બનાવ્યો હોવાનું પણ સામે આવ્યું છે. આ તરફ હવે રાજકોટના હરેને કઈ રીતે ખંડણી માંગવામાં આવી તેની સમગ્ર હકીકત કબૂલી હતી.
200 કરોડ રૂપિયાના ડ્રગ્સ મામલે કરાઈ હતી ધરપકડ
જાણીતા સિંગર સિદ્ધુ મુસેવાલા હત્યાકાંડનો મુખ્ય ષડયંત્રકાર લોરેન્સ બિશ્નોઇ ગુજરાત એટીએસની કસ્ટડીમાં છે, ત્યારે તેના પર વધુ કાયદાકીય સકંજો કસવા માટે નેશનલ ઇન્વેસ્ટિગેશન એજન્સી (એનઆઇએ) તેમજ રિચર્સ એન્ડ એનાલિસિસ વિંગ (રો) તેની પૂછપરછ કરશે. 200 કરોડ રૂપિયાના ડ્રગ્સ મામલે લોરેન્સ બિશ્નોઇની એટીએસની ટીમે ટ્રાન્સફર વોરન્ટના આધારે ધરપકડ કરી હતી. ધરપકડ બાદ બિશ્નોઇને કોર્ટમાં રજૂ કરવામાં આવ્યો હતો, જ્યાં તેના 14 દિવસના રિમાન્ડ મંજૂર કરાયા હતા.
લોરેન્સ બિશ્નોઇની ડ્રગ્સકાંડમાં સંડોવણી
ગુજરાત ATSસે જખૌના દરિયામાંથી પાકિસ્તાની બોટ ઝડપીને તેમાંથી અંદાજે 200 કરોડનો ડ્રગ્સનો જથ્થો કબજે કર્યો હતો. બોટમાંથી ATSને મોહમદ શફી, ઇમરાન, મોહસીન, જહુર, સોહેલ તથા કામરાનને ઝડપી લીધા હતા. જેમની પૂછપરછમાં જાણવા મળ્યું હતું કે ડ્રગ્સનો આ જથ્થો પાકિસ્તાની ડ્રગ્સ માફિયા અબ્દુલ્લાએ બલુચિસ્તાનના દરિયા કિનારેથી બોટમાં ભરાવ્યો હતો. આ ડ્રગ્સનો જથ્થો જખૌના દરિયામાં જુમ્મા કોલ સાઇન વાળી બોટમાં આપવાનો હતો. આ ડ્રગ્સનો ઓર્ડર લોરેન્સ બિશ્નોઇએ આપ્યો હોવાનું પણ સામે આવ્યું હતું. આ પ્રકરણની તપાસમાં ડ્રગ્સની ડિલિવરી લેવા માટે આવનારા સરતાજ અને મહંમદશફીને ઝડપી લેવાયા હતા. આ ઉપરાંત મેરાજ અને ચીફ ઓબોન્ના પણ ઝડપાયા હતા. આ તમામની તપાસમાં લોરેન્સ બિશ્નોઇની ડ્રગ્સકાંડમાં સંડોવણી હોવાનું સામે આવ્યું હતું. જેને પગલે એટીએસ દ્વારા લોરેન્સ બિશ્નોઇની કસ્ટડી મેળવવામાં આવી હતી.
લોરેન્સ ગેંગના કેટલાક ટપોરીઓ અમદાવાદમાં પણ સક્રિય હોવાનું પોલીસને જાણવા મળ્યું
ગુજરાત, પંજાબ, હરિયાણા, દિલ્હી અને રાજસ્થાન સહિતના રાજ્યોમાં નશીલા પદાર્થો અને ડ્રગ્સના સપ્લાયમાં મહત્ત્વનો ભાગ ભજવતા તેમજ આતંક ફેલાવતા લોરેન્સ બિશ્નોઇનું હવે પાકિસ્તાન કનેક્શન ખૂલ્યું છે. પાકિસ્તાનથી 200 કરોડનું ડ્રગ્સ મગાવવાનો તેના પર આરોપ છે. જેના પગલે ગુજરાત એટીએસએ લોરેન્સની કસ્ટડી લેવા પટિયાલાની એનઆઈએ કોર્ટમાં અરજી કરી હતી. એટીએસએ કરેલી અરજીને એનઆઇએની કોર્ટમાં મંજૂર કરતાં તેની ધરપકડ કરવામાં આવી હતી. લોરેન્સની પૂછપરછમાં તેણે ઘણા ભેદ ઉકેલ્યા છે. જેના પર એટીએસ તપાસ કરી રહી છે. લોરેન્સ ગેંગના કેટલાક ટપોરીઓ અમદાવાદમાં પણ સક્રિય હોવાનું પોલીસના ધ્યાનમાં આવ્યું છે જેને પગલે તેમના ઉપર પણ વોચ રાખવામાં આવી રહી છે.
સલમાન સહિત ઘણા લોકોને આપી છે ધમકી
હરિયાણા, દિલ્હી અને રાજસ્થાન સહિતનાં રાજ્યોમાં આતંક મચાવનાર લોરેન્સ બિશ્નોઈએ અભિનેતા સલમાન ખાન, મહારાષ્ટ્રના પૂર્વ મુખ્યપ્રધાન ઉદ્ધવ ઠાકરે જૂથની શિવસેનાના સંજય રાઉત, અભિનેત્રી રાખી સાવંત સહિત સુરતમાં પણ વેપારીઓને ધમકીઓ આપી છે. એટીએસે પાકિસ્તાનથી આવી રહેલા કરોડોના ડ્રગ્સને ઝડપી લઈને તપાસ કરી હતી જેમાં લોરેન્સના સાગરીત ગોલ્ડી બ્રારની સંડોવણી સામે આવી રહી છે. હાલ ગોલ્ડી વિદેશમાં હોવાથી તેનો કબજો મેળવવા માટેની પણ કવાયત ચાલી રહી છે.
