- ઉદયપુરનાં માવલી પોલીસ સ્ટેશન વિસ્તારની ઘટના
- 9 વર્ષીય યુવતિ પર બળાત્કાર કરી તેની હત્યા કરવામાં આવી
- હત્યા બાદ બાળકીની લાશના ટુકડા કરી દેવામાં આવ્યા
રાજસ્થાનના ઉદયપુર જિલ્લાના માવલી પોલીસ સ્ટેશન વિસ્તારમાં નવ વર્ષની બાળકી પર બળાત્કાર કરીને તેની હત્યા કરવામાં આવી હતી. હત્યા બાદ બાળકીના શરીરના 10 ટુકડા કરી દેવામાં આવ્યા હતા. પોલીસે ઘટનાસ્થળે પહોંચીને મૃતદેહના ટુકડા એકઠા કર્યા અને સદર હોસ્પિટલ મોકલી આપ્યા. પોલીસ આ મામલે તપાસ કરી રહી છે. પોલીસે જણાવ્યું કે 29 માર્ચે ઉદયપુર જિલ્લાના એક ગામમાં રહેતી નવ વર્ષની આદિવાસી બાળકીના સંબંધીઓએ તેના ગુમ અને અપહરણનો કેસ નોંધાવ્યો હતો. આજે બાળકીની લાશના 10 ટુકડા કરવામાં આવ્યા હતા. આ કેસમાં આરોપીની ધરપકડ કરવામાં આવી છે.
9 વર્ષની બાળકીનો મૃતદેહ ટુકડાઓમાં કપાયેલો મળી આવ્યો
ઉદયપુરના જિલ્લા પોલીસ અધિક્ષક વિકાસ શર્માએ જણાવ્યું હતું કે શનિવારે ઘરથી થોડે દૂર એક ઘરના ખંડેરમાંથી 9 વર્ષની બાળકીનો મૃતદેહ ટુકડાઓમાં કપાયેલો મળી આવ્યો હતો. તેમણે જણાવ્યું કે 29 માર્ચે પરિવારના સભ્યો તરફથી છોકરીના ગુમ અને અપહરણનો કેસ નોંધવામાં આવ્યો હતો. પોલીસ અને ગ્રામજનોના સહયોગથી તેની શોધખોળ કરવામાં આવી રહી હતી.
બાળકીનું અપહરણ કરીને કથિત રીતે તેના પર બળાત્કાર ગુજાર્યો
તપાસમાં સામે આવ્યું છે કે પાડોશમાં રહેતા આરોપી કમલેશ બાળકીનું અપહરણ કરીને કથિત રીતે તેના પર બળાત્કાર ગુજાર્યો હતો. ત્યારબાદ તેની ઘાતકી હત્યા કરી નાખી. એસપીએ જણાવ્યું કે આરોપી કમલેશને કસ્ટડીમાં લેવામાં આવ્યો છે. તેની પૂછપરછ કરવામાં આવી રહી છે.
આરોપીની ધરપકડ કરવામાં આવીઃ એસ.પી
પોલીસ અધિક્ષક વિકાસ શર્માએ જણાવ્યું કે આરોપીએ યુવતીને લાલચ આપીને બોલાવી હતી. તેના પર બળાત્કાર કર્યો. યુવતી કોઈને આ વાત ન કહી દે તેવી દહેશતથી તેની હત્યા કરવામાં આવી હતી. હાલ આરોપીની ધરપકડ કરવામાં આવી છે.
