કંગના રનૌતે હાલમાં જ ભાજપના પૂર્વ રાષ્ટ્રીય પ્રવક્તા નુપુર શર્માને સમર્થન આપ્યું છે. તેણે પોતાની ઈન્સ્ટા સ્ટોરી પર નૂપુરની તરફેણમાં ઘણી વાતો કહી છે.
નુપુર શર્માના સમર્થનમાં આવી કંગના
કહ્યું આ ભારત છે અફઘાનિસ્તાન નહીં
પયગંબર મોહમ્મદ પર ટિપ્પણી કરવા પર થયા છે સસ્પેન્ડ
BJP એટલે કે ભારતીય જનતા પાર્ટીના રાષ્ટ્રીય પ્રવક્તા નુપુર શર્માએ પયગંબર મોહમ્મદ વિશે ટિપ્પણી કરી હતી. આ મુદ્દે કાર્યવાહી કરતા ભાજપે નુપુર શર્માને સસ્પેન્ડ કરી દીધા છે. વધી રહેલા વિવાદને જોઈને નૂપુરે જાહેરમાં માફી પણ માંગી છે. પરંતુ આ દરમિયાન કંગના રનૌતે નૂપુરનું સમર્થન કર્યું છે.
નૂપુરે આપ્યું હતું વિવાદાસ્પદ નિવેદન
નુપુર શર્માએ હાલમાં જ એક ડિબેટ શોમાં પયગંબર મોહમ્મદ પર વિવાદાસ્પદ ટિપ્પણી કરી હતી. જેના પછી માત્ર મુસ્લિમ સમુદાય જ નહીં પરંતુ અરબ દેશોના લોકો પણ નુપુર શર્માના આ નિવેદનનો વિરોધ કરી રહ્યા છે.
વધતા જતા વિવાદને જોતા ભાજપે પણ એક નિવેદન જાહેર કરીને કહ્યું કે આવી ટિપ્પણી પાર્ટીના મૂળ વિચારની વિરુદ્ધ છે. હવે આ સમગ્ર મામલે કંગના રનૌતે નુપુર શર્માને સમર્થન આપ્યું છે. કંગના રનૌતે કહ્યું કે તે પોતાનો અભિપ્રાય વ્યક્ત કરવાની હકદાર છે. તેણે ઈન્સ્ટા સ્ટોરી પર નૂપુર પર પોતાનું નિવેદન આપ્યું છે.
કંગનાએ આપ્યું સમર્થન
કંગના રનૌતે તેની ઇન્સ્ટા સ્ટોરી પર કહ્યું કે નુપુર શર્મા તેનો અભિપ્રાય આપવા માટે હકદાર છે. હું જોઉં છું કે તેઓને તમામ પ્રકારની ધમકીઓ મળી રહી છે. તેઓ લગભગ દરરોજ હિંદુ દેવતાઓનું અપમાન કરે છે તો આપણે કોર્ટમાં જઈએ છીએ. કૃપા કરીને ડોન બનવાની જરૂર નથી. આ અફઘાનિસ્તાન નથી. આપણી પાસે એક સરકાર છે, જે લોકશાહી નામની પ્રક્રિયા દ્વારા ચૂંટાય છે. જે ભૂલી ગયા છે તેમના માટે માત્ર એક રીમાઇન્ડર.