મુસાફરી / કોરોનાના લીધે આંતરરાષ્ટ્રીય ફ્લાઇટ્સ પર છે પ્રતિબંધ, છતાં આટલા દેશોમાં જઈ શકે છે ભારતીયો

• કોરોના ને લીધે ઘણા દેશોમાં આંતરરાષ્ટ્રીય ફ્લાઇટ્સ પર છે પ્રતિબંધ 
• ભારત સરકારે પણ કોરોના મહામારીને ધ્યાનમાં રાખીને બેન લગાવ્યો છે 
• એર બબલ કરારને આધારે જો કે આંતરરાષ્ટ્રીય મુસાફરી શક્ય છે 

ઓમાન જો કે ભારત સાથે આ કરાર કરનારો 16 મો દેશ બન્યો. ભારતે આ પહેલા જો કે અફઘાનિસ્તાન, બહેરિન, કેનેડા, ફ્રાન્સ, જર્મની, ઇરાક, જાપાન, માલદીવ, નાઇજીરીયા, કતાર, UAE , કેન્યા, ભૂટાન, UK અને USA જેવા કુલ 15 દેશો સાથે આ પ્રકારના કરારો કર્યા છે, જેથી લઈને કોવિડ સમયગાળામાં હવાઈ વ્યવહાર પુનર્સ્થાપિત કરી શકાય. 

કોવિડ પ્રતિબંધો ને ટાળવા બે દેશો વચ્ચેની દ્વિપક્ષીય વ્યવસ્થા છે એર બબલ કરાર 

બંને દેશો વચ્ચેના એર બબલ કરાર હેઠળ, કોવિડ -19 રોગચાળાને કારણે પ્રતિબંધિત સમયગાળા વચ્ચે તેમની આંતરરાષ્ટ્રીય એરલાઇન્સ દ્વારા વિશિષ્ટ આંતરરાષ્ટ્રીય મુસાફરોની ફ્લાઇટ્સ એક બીજાના પ્રદેશમાં ચલાવવામાં આવી શકે છે. જે ફ્લાઈટ્સને બંને દેશોના શાસન તંત્ર દ્વારા સહમતિ પ્રદાન થયેલિ હોય છે. 

ઉડ્ડયન મંત્રી હરદીપસિંહ પુરી એ ટ્વિટ કર્યું હતું કે "ભારત અને ઓમાન વચ્ચેની ફ્લાઇટ્સ માટે દ્વિપક્ષીય એર બબલ કરાર થયો છે તેની જાહેરાત કરીને આનંદ અનુભવી રહ્યો છું." આ વ્યવસ્થા કરવાવાળો ઓમાન 16 મો દેશ બન્યો છે. ' તેમણે કહ્યું કે "ભારત અને ઓમાનના એરલાઈન્સ સંચાલકો હવે ફરીથી કામ કરી શકશે"

ભારત માં 23 માર્ચ થી જ આંતરરાષ્ટ્રીય ફ્લાઈટ્સ પર મૂકાયો છે પ્રતિબંધ 

નોંધનીય છે કે કોરોના વાયરસ રોગચાળા ને લીધે, 23 માર્ચથી ભારતમાં સુનિશ્ચિત આંતરરાષ્ટ્રીય ફ્લાઇટ્સ સ્થગિત કરી દેવામાં આવી હતી. જો કે, વંદે ભારત મિશન હેઠળ અને  જુલાઈથી ભારત અને અન્ય દેશો વચ્ચે ના એર બબલ કરાર ની વ્યવસ્થા હેઠળ ભારતમાં વિશેષ આંતરરાષ્ટ્રીય પેસેન્જર ફ્લાઇટ્સ ચાલુ થઈ ચૂકી છે. 

ઓમાન થી 13 હજાર લોકો ઘરે પરત ફરશે

કોરોના વાયરસ વચ્ચે દેશમાં લદાયેલા લોકડાઉન પછી અન્ય દેશોમાં ફસાયેલા ભારતીય નાગરિકોને ઘરે લાવવા વંદે ભારત મિશન શરૂ કરાયું હતું. આ શ્રેણીમાં, મિશનના સાતમા તબક્કા હેઠળ, 40 હજાર ભારતીયો UAE થી પાછા ફરશે.

વંદે ભારત મિશનના સાતમા તબક્કા માટે UAE માટે 271 ફ્લાઇટ્સ ચલાવવામાં આવશે. આ તબક્કામાં મોટા ભાગના લોકો UAE થી પાછા ફરશે. તે જ સમયે, મોટી સંખ્યામાં ભારતીયો પણ ઓમાન, સિંગાપોર, કતાર, સાઉદી અરેબિયાથી પાછા ફરશે. નાગરિક ઉડ્ડયન મંત્રાલયે ઓક્ટોબરથી શિડયુલ નક્કી કર્યું છે. 

ઓક્ટોબરમાં એર ઇન્ડિયા ની 496 ફ્લાઇટ્સનું સંચાલન કરવામાં આવશે. આમાં,  UAE પછી સૌથી વધુ લોકો ઓમાન થી પાછા ફરશે. ઓમાન થી 13 હજાર લોકોને ભારતમાં લાવવાની વ્યવસ્થા કરવામાં આવી છે. તે જ સમયે, સિંગાપોર, કતાર, સાઉદી અરેબિયા અને કુવૈત થી પણ મોટી સંખ્યામાં લોકો સ્વદેશ પરત ફરશે.