IND w vs BAN w 2nd T20I / છવાઈ ગઈ શેફાલી, છેલ્લી ઓવરમાં ઉડાવ્યાં 4 ક્રિકેટરોને, ભારતની દીકરીઓએ બાંગ્લાદેશ પાસેથી આંચકી જીત-સીરિઝ

• ભારતીય મહિલા ક્રિકેટરોમાં દમ ખરો 
• બાંગ્લાદેશ સામેની ટી-20 સીરિઝ જીતી લીધી 
• 3 મેચોની સીરિઝમાં બીજીમાં બાંગ્લાદેશને 8 રનથી હરાવ્યું 

ભારતીય મહિલા ક્રિકેટ ટીમે ત્રણ ટી-20 મેચની શ્રેણીની બીજી મેચમાં બાંગ્લાદેશને 8 રને પરાજય આપ્યો હતો. બાંગ્લાદેશની ટીમને જીતવા માટે માત્ર 96 રનનો ટાર્ગેટ મળ્યો હતો, પરંતુ ટીમ ઈન્ડિયાની ચુસ્ત બોલિંગ સામે બાંગ્લાદેશી ખેલાડી 20 ઓવરમાં તમામ વિકેટ ગુમાવીને માત્ર 87 રન જ બનાવી શકી હતી. ભારતની આ શ્રેણીમાં સતત બીજી જીત હતી અને આ જીતની સાથે જ ભારતીય ટીમે શ્રેણીમાં 2-0થી અજેય સરસાઈ હાંસલ કરી લીધી છે.

Three wickets in the final over for Shafali Verma as India win a low-scoring thriller and seal the T20I series 2-0 🔥#BANvIND | 📝: https://t.co/mspye3W0qI pic.twitter.com/nge2ZS0yRl

— ICC (@ICC) July 11, 2023

છેલ્લી ઓવરમાં શેફાલીએ ઝડપી 3 વિકેટ 
બાંગ્લાદેશને આખરી ઓવરમાં જીતવા માટે માત્ર 10 રનની જરુર હતી અને તેની 4 વિકેટ પડી હતી. આખરી ઓવર ભારતીય કેપ્ટન હરમનપ્રીત કૌરે શેફાલી  વર્માને આપી હતી. કેપ્ટનનો આ નિર્ણય થોડો આશ્ચર્યજનક હતો પરંતુ શેફાલી વર્માએ કમાલ કરી હતી. છેલ્લી ઓવરમાં બાંગ્લાદેશ માત્ર 1 રન બનાવી શક્યું હતું અને તેણે તમામ 4 વિકેટ ગુમાવી દીધી હતી. 1 રન આઉટ થવા ઉપરાંત શેફાલીને 3 વિકેટ મળી હતી.

𝐀 𝐭𝐡𝐫𝐢𝐥𝐥𝐢𝐧𝐠 𝐯𝐢𝐜𝐭𝐨𝐫𝐲 𝐚𝐧𝐝 𝐈𝐧𝐝𝐢𝐚 𝐭𝐚𝐤𝐞 𝐚𝐧 𝐮𝐧𝐚𝐬𝐬𝐚𝐢𝐥𝐚𝐛𝐥𝐞 𝟐-𝟎 𝐥𝐞𝐚𝐝.#TeamIndia successfully defend 95 to win the 2nd T20I by 8 runs. @Deepti_Sharma06 adjudged Player of the Match.👏👏 #INDvBAN

Details - https://t.co/xwadd5DBlH pic.twitter.com/I4SX0BBger

— BCCI Women (@BCCIWomen) July 11, 2023

દીપ્તિ શર્માએ 4 ઓવરના સ્પેલમાં માત્ર 12 રન આપ્યા
ભારતીય ટીમની જીતમાં સ્પિનર દીપ્તિ શર્માએ પણ મોટી ભૂમિકા ભજવી હતી. દીપ્તિ શર્માએ 4 ઓવરના સ્પેલમાં માત્ર 12 રન આપ્યા હતા અને બાંગ્લાદેશના 3 ટોચના બેટ્સમેનોને આઉટ કર્યા હતા. આ શાનદાર પ્રદર્શન માટે તેને પ્લેયર ઓફ ધ મેચ જાહેર કરવામાં આવ્યો હતો. દીપ્તિ ઉપરાંત મીનુ મણિએ પણ પોતાની બીજી મેચ રમીને ખૂબ જ ધારદાર બોલિંગ કરી હતી અને 4 ઓવરમાં માત્ર 9 રન આપીને 2 વિકેટ ઝડપી હતી. એક વિકેટ બ્રેડી અનુષાને મળી હતી.

W+1, W, 0, W, 0, W by Shafali Verma 🔥🔥
India defended 95 runs in the 2nd T20I & won the series. 🇮🇳
Take a Bow Shefali Varma 🏹 pic.twitter.com/wkrXKA1bqw

— Harshit 🇮🇳 (@Imharshit_45) July 11, 2023

ભારતીય બેટિંગ ફ્લોપ રહી હતી
પ્રથમ ટી-20માં 7 વિકેટે વિજય મેળવનારી ભારતીય ટીમની બેટિંગ બીજી મેચમાં સદંતર ફ્લોપ રહી હતી. બાંગ્લાદેશના બોલરોની સામે ટીમ ઈન્ડિયાના ટોપ ઓર્ડરના તમામ બેટ્સમેનો નિષ્ફળ રહ્યા હતા. આથી ટીમ ઇન્ડિયા 20 ઓવરમાં 8 વિકેટના નુકસાન પર માત્ર 95 રન જ બનાવી શકી હતી. શેફાલી વર્માએ સૌથી વધુ 19 રન બનાવ્યા હતા.