West Indies vs India / Video: પંડ્યા સાથે દાવ થઈ ગયો! સ્ટ્રાઈક પર હતો ઈશાન કિશન, રન માટે બંને દોડ્યા પણ નહીં, છતાં આઉટ થયો હાર્દિક, જુઓ કઈ રીતે

• ટીમ ઈન્ડિયાએ વનડે સીરીઝની પહેલી મેચ જીતી
• પરંતુ હાર્દિક પંડ્યા માટે દુર્ભાગ્યશાળી રહી મેચ
• વગર કોઈ ભૂલ થઈ ગયાં આઉટ 

ભારતે વેસ્ટઈંડીઝમાં 2 મેચોની ટેસ્ટ સીરીઝ 1-0થી પોતાના નામે કરી દીધી. આ બાદ ટીમ ઈન્ડિયાએ વનડે સીરીઝની શરૂઆત પણ જીતની સાથે કરી છે. ટીમ ઈન્ડિયાએ ગુરુવારે રમેલ પ્રથમ વનડે મેચમાં વેસ્ટઈંડીઝને પાંચ વિકેટથી માત આપી અને ત્રણ મેચોની વનડે સીરીઝમાં 1-0થી આગળ વધી. પરંતુ આ મેચમાં ઉપકેપ્ટન હાર્દિક પંડ્યાની સાથે જે થયું તે કોઈ અતિ દુર્ભાગ્યશાળી હતું.

pic.twitter.com/QuSAObyZyR

— Nihari Korma (@NihariVsKorma) July 28, 2023

ભાગ્યએ ન આપ્યો સાથ
પંડ્યા આ મેચમાં રન આઉટ થયાં. પરંતુ જે રીતે તેઓ રન આઉટ થયાં તે અતિ દુર્ભાગ્યપૂર્ણ હતું.  આ વીડિયોમાં જોઈ શકાય છે કે ભાગ્યે પંડ્યાનો સાથ ન આપ્યો. 17મી ઓવરમાં બોલર યાનિક કારિયાહની ઓફ સ્ટંપ બોલિંગ પર ઈશાને શૉટ રમ્યો. બોલરે તેની જમણી તરફ ડાઈવ મારીને કેચ કરવાનો પ્રયાસ કર્યો પરંતુ તે બોલ પકડી ન શક્યાં. અને બદનસીબે એ બોલ તેમના હાથમાંથી છટકીને નોન સ્ટ્રાઈકરનાં સ્ટમ્પ પર લાગી ગઈ. 

હાર્દિક પંડ્યા આઉટ થઈ ગયાં
આ સમયે પંડ્યા ક્રીઝની બહાર હતાં. તે જ્યાં સુધી ક્રીઝની અંદર આવ્યાં ત્યાં સુધી બોલ સ્ટંપ પર લાગી ગઈ હતી અને હાર્દિક પંડ્યા રન આઉટ થઈ ગયાં હતાં. આ સમગ્ર ઘટનામાં પંડ્યાની કોઈ જ ભૂલ નહોતી તેમ છતાં તેઓ રન આઉટ થઈ ગયાં. તેમને ખબર પણ નહોતી કે તેઓ ક્યારે આઉટ થઈ ગયાં. માત્ર 5 રન બનાવીને પંડ્યાએ પાછું વળવું પડ્યું.