ક્રિકેટ / Ind vs SA 3rd ODI Match: આજે ભારતીય ટીમ પાસે છે ઇતિહાસ રચવાની સુવર્ણ તક, વર્ષોની રાહનો આવશે અંત!

• ત્રણ મેચની ODI સીરિઝ ખૂબ જ રોમાંચક વળાંક પર પહોંચી ગઈ છે
• એક જીત ટીમ ઈન્ડિયાની તો બીજી જીત સાઉથ આફ્રિકાની.. 
• ટીમ ઈન્ડિયા પાસે આજે મેચ જીતીને ઈતિહાસ રચવાની સુવર્ણ તક

ભારત અને દક્ષિણ આફ્રિકા વચ્ચે રમાઈ રહેલી ત્રણ મેચની ODI સીરિઝ ખૂબ જ રોમાંચક વળાંક પર પહોંચી ગઈ છે. ટીમ ઈન્ડિયાએ સીરિઝની પહેલી મેચ 8 વિકેટે જીતી લીધી હતી પરંતુ બીજી જ મેચમાં સાઉથ આફ્રિકાએ શાનદાર પુનરાગમન કર્યું અને 8 વિકેટે જીત મેળવી. આવી સ્થિતિમાં હવે સીરિઝનો નિર્ણય આજે છેલ્લી મેચમાં થશે. ટીમ ઈન્ડિયા પાસે આ મેચ જીતીને ઈતિહાસ રચવાની સુવર્ણ તક છે. 

That's that from the 2nd ODI.

South Africa win by 8 wickets.

The three match series now stands at 1-1 with one more game to go.#SAvIND pic.twitter.com/OyMlrBKrCr

— BCCI (@BCCI) December 19, 2023

ભારત ઐતિહાસિક જીતથી એક ડગલું દૂર 
ભારત અને સાઉથ આફ્રિકા વચ્ચે ત્રીજી ODI મેચ બોલેન્ડ પાર્ક, પાર્લ ખાતે રમાશે. જો ભારતીય ટીમ આ મેચ જીતશે તો તે સિરઝ 2-1થી કબજે કરશે. જો આમ થાય છે તો સાઉથ આફ્રિકામાં ટીમ ઈન્ડિયાની આ બીજી વનડે સિરીઝ જીત હશે. ટીમ ઈન્ડિયાએ 2018માં સાઉથ આફ્રિકામાં આ એકમાત્ર વનડે સીરિઝ જીતી હતી. આવી સ્થિતિમાં ટીમ ઈન્ડિયા પાસે આ વખતે સાઉથ આફ્રિકાને તેના જ ઘરમાં હરાવવાની મોટી તક છે. 

વિરાટની કપ્તાનીમાં ઐતિહાસિક સીરિઝ જીતી હતી 
ટીમ ઈન્ડિયાએ વર્ષ 1992/93માં સાઉથ આફ્રિકામાં તેની પ્રથમ વનડે સીરિઝ રમી હતી. ત્યારપછી ટીમ ઈન્ડિયા માત્ર એક જ વાર ઘરઆંગણે સાઉથ આફ્રિકાને હરાવવામાં સફળ રહી છે. ભારતે વર્ષ 2017-18માં રમાયેલી 6 મેચની વનડે સીરિઝ 5-1થી જીતી હતી. આ સિરીઝમાં ટીમ ઈન્ડિયાની કેપ્ટનશિપની જવાબદારી વિરાટ કોહલી સંભાળી રહ્યો હતો. હવે કેએલ રાહુલ પાસે ઈતિહાસનું પુનરાવર્તન કરવાની તક છે. 

On the field, we all know what the man with the highest List A average is capable of 🤩

But here's @Ruutu1331 opening up about his jersey number, nickname, favourite cricketing idols, and a lot more 🫶

Tune-in to the 3rd #SAvIND ODI
Tomorrow, 3.30 PM | Star Sports Network pic.twitter.com/nLakevGmmP

— Star Sports (@StarSportsIndia) December 20, 2023

ODI શ્રેણી માટે બંને ટીમોની ટીમો: 
ભારતીય ટીમઃ કેએલ રાહુલ (કેપ્ટન અને વિકેટકીપર), રૂતુરાજ ગાયકવાડ, સાઈ સુદર્શન, તિલક વર્મા, રિંકુ સિંહ, સંજુ સેમસન (વિકેટકીપર), અક્ષર પટેલ, અર્શદીપ સિંહ, અવેશ ખાન, કુલદીપ યાદવ, મુકેશ કુમાર, આકાશ દીપ, યુઝવેન્દ્ર ચહલ, રજત પાટીદાર, વોશિંગ્ટન સુંદર