ક્રિકેટ વર્લ્ડકપ 2023 / IND vs AUS: VVIP મહેમાનોના આગમનને પગલે આવતીકાલે અમદાવાદ એરપોર્ટ રહેશે વ્યસ્ત, મુસાફરોને 2 કલાક વહેલાં પહોંચવા એડવાઈઝરી

• આવતીકાલે ભારત-ઓસ્ટ્રેલિયા વચ્ચે ખરાખરીનો જંગ
• ભારત-ઓસ્ટ્રેલિયા વચ્ચેની ફાઈનલ મેચ નિહાળવા આવશે અનેક VVIP
• મુસાફરોને ચેક-ઈન સમયથી 2 કલાક વહેલા પહોંચવા એડવાઈઝરી

આવતીકાલે અમદાવાદમાં ક્રિકેટનાં મહાકુંભનો મહામુકાબલો યોજાનાર છે. ભારત-ઓસ્ટ્રેલિયા વચ્ચેની ફાઈનલ મેચ નિહાળવા માટે અનેક VVIP આવનાર છે. જેનાં પગલે VVIP  મહેમાનોનાં આગમનને પગલે અમદાવાદ એરપોર્ટ વ્યસ્ત રહેશે. આવતીકાલે બપોરે 1.25 થી 2.10 વાગ્યા સુધી એર ટ્રાફિક બંધ કરાશે. તેમજ એરફોર્સની સૂર્યકિરણ એરોબેટિક ટીમનાં એર-શો ને લઈ એર ટ્રાફિક બંધ રહેશે. 

જીતના જશ્નની પણ તૈયારી પૂરી: અમદાવાદમાં ભવ્ય રોડ શૉ કરશે ભારતીય ક્રિકેટ ટીમ#WorldcupFinal #WorldcupFinal2023 #Worldcup #Worldcup2023 #Worldcup23 #INDvsAUS #gujaratnews #ahmedabadnews #narendramodistadium #vtvgujarati pic.twitter.com/GS7WzrjWAQ

— VTV Gujarati News and Beyond (@VtvGujarati) November 18, 2023

ગત રોજ ઓસ્ટ્રેલિયાની ટીમ અમવાદા આવી પહોંચી હતી
આવતીકાલે 19 નવેમ્બરનાં રોજ અમદાવાદનાં નરેન્દ્ર મોદી સ્ટેડિયમ ખાતે ભારત-ઓસ્ટ્રેલિયા વચ્ચે વર્લ્ડ કપની ફાઈનલ મેચ રમાનાર છે. ત્યારે ગત રોજ સાંજે ઓસ્ટ્રેલિયન ખેલાડીઓ અમદાવાદ આવી પહોંચ્યા હતા. ત્યારે ઓસ્ટ્રેલિયાની ટીમ સિંધુ ભવન રોડ પર આવેલી તાજ સ્કાય લાઈન હોટલમાં રોકાઈ છે. 

ક્યાં ક્યાં VVIP  આવશે
ભારત-ઓસ્ટ્રેલિયા વચ્ચે રમાનાર વર્લ્ડ કપની ફાઈનલ મેચ જોવા માટે બિઝનેસમેનથી લઈ બોલિવૂડ સ્ટાર, ઓસ્ટ્રેલિયાનું ડેલિગેશન તેમજ આઠ રાજ્યોનાં મુખ્યમંત્રી સહિત અનેક વિદેશી મહેમાનો આવનાર છે. જેમાં,

• બિઝનેસમેન મુકેશ અંબાણી, લક્ષ્મી મિત્તલ, ગૌતમ અદાણી, જિંદાલ ગ્રુપ સહિતનાં VVIP  ઉપસ્થિત રહેશે.
• બોલિવૂડ સ્ટાર પણ આવશે.
• ઓસ્ટ્રેલિયાનાં ડેપ્યુટી PM  પણ ડેલિગેશન સાથે આવશે. 
• 8 રાજ્યનાં મુખ્યમંત્રી, કેન્દ્રીય મંત્રીઓ, સિંગાપોર, US, UAE  ના મહાનુભાવો પણ ખાસ ઉપસ્થિત રહેશે. 

અમદાવાદ એરપોર્ટ પર નાઈટ પાર્કિંગ માટે 15 સ્ટેન્ડની વ્યવસ્થા
આવતીકાલે રમાનાર વર્લ્ડ કપની ફાઈનલ મેચને લઈ અમદાવાદ એરપોર્ટ દ્વારા મુસાફરોને કોઈ તકલીફ ન પડે તે માટે મુસાફરો માટે એડવાઈઝરી જાહેર કરાઈ હતી. જેમાં મુસાફરોએ ચેક-ઈન સમયથી 2 કલાક વહેલા પહોંચવા એડવાઈઝરી જાહેર કરાઈ હતી. અમદાવાદ એરપોર્ટ પર મોટી સંખ્યામાં ચાર્ટડ પ્લેન આવશે. જેને લઈ અમદાવાદ એરપોર્ટ પર નાઈટ પાર્કિંગ માટે 15 સ્ટેન્ડની વ્યવસ્થા કરવામાં આવી છે.  15 સ્ટેન્ડમાંથી 6 સ્ટેન્ડ બિઝનેસ જેટ એરક્રાફ્ટ ઓપરેશન માટે રિઝર્વ રખાશે. અમદાવાદનાં G.A.  ટર્મિનલ પર 100 થી વધુ ચાર્ટડ પ્લેન ઊતરશે.  એરપોર્ટ પર 30-40 જેટલા ચાર્ટડ પ્લેન પાર્ક કરી શકાય તેવી વ્યવસ્થા કરવામાં આવી છે. તેમજ VVIP અને સેલિબ્રિટીનાં ચાર્ટડ પ્લેનને સુરત, રાજકોટ, વડોદરામાં પાર્કિગની સુવિધા કરવામાં આવી છે.