વલસાડ / તલવારથી કેક કાપી, અડધી રાત્રે આતશબાજી કરી, જન્મદિવસમાં સીનસપાટા કરનાર અંબાચ ગામના યુવકની અટકાયત

• વલસાડમાં તલવારથી કેક કાપનાર યુવકની અટકાયત
• જન્મદિવસની ઉજવણી દરમિયાન તલવારથી કાપી હતી કેક
• કપરાડાના નાનાપોંઢામાં જન્મદિવસની ઉજવણી કરી હતી

રાજ્યના વિવિધ સ્થળો પર છરા કે તલવાર વડે કેક કાપી બર્થડે પાર્ટી કરતાના અવાર નવાર વીડિયો વાયરલ થાય છે, ત્યારે વધુ એકવાર જાહેરમાં તલવાર વડે કેક કાપવાનો વીડિયો વાયરલ થતા પોલીસ હરકતમાં આવી હતી. વલસાડમાં તલવારથી કેક કાપનાર યુવકની પોલીસે અટકાયત કરી છે.

પોલીસે ભણાવ્યો પાઠ
યુવકે તેના જન્મદિવસની ઉજવણી દરમિયાન તલવારથી જાહેરમાં કેક કાપી હતી. કપરાડાના નાનાપોંઢામાં જાહેર સ્થળ પર યુવકે ભારે આતાશબાજી કરી જન્મદિવસની ઉજવણી કરી હતી જે મામલે પોલીસે તેની ધરપકડ કરી છે. એત્રે જણાવીએ કે, અંબાચ ગામના યુવકે નદી કિનારે જઈ કારના બોનેટ પર કેક મૂકી તલવારથી કાપી હતી. જે વીડિયો વાયરલ થતા નાનાપોંઢા પોલીસે કાર્યવાહી હાથ ધરી હતી. તલવારથી કેક કાપનાર યુવક તૃપલ પટેલની અટકાયત કરી ગુનો નોંધી વધુ તપાસ હાથ ધરી છે

ગાડી ઉપર કેક મુકી તલવાર વડે  કાપી
જે વીડિયોમાં જોઈ શકાય છે કે, પોલીસના ડર વિના જાહેરમાં ગાડી ઉપર કેક મુકી તલવાર વડે  કાપી બર્થ ડે સેલિબ્રેટ કરી રહ્યાં છે. ટપોરી સ્ટાઈલમાં જન્મદિવસની ઉજવણી કરતા તેમજ શાંતિ ડોળવાનો પ્રયાસ કરવા બદલ પોલીસે કાર્યવાહી હાથ ધરી છે.