નરાધમ હવસખોર / બાળકને વસ્તુ અપાવવાની લાલચ આપી આચર્યું સૃષ્ટિ વિરૂદ્ધનું કૃત્ય, દુખાવો થતાં કરતૂતનો ભાંડફોડ, મોરબીનો ચેતવતો કિસ્સો

• મોરબીમાં બાળક સાથે સૃષ્ટિ વિરૂદ્ધનું કૃત્ય
• બાળકને આપી હતી વસ્તુ લઈ દેવાની લાલચ
• દુખાવો થતાં કરતૂતનો ભાંડફોડ થયો

મોરબી પંથકમાં ચોંકાવનારો કિસ્સો સામે આવ્યો છે. હળવદમાં એક બાળકને વસ્તુ આપવાની લાલચ આપીને નરાધમ સાથે લઈ ગયો હતો. ત્યારબાદ બાળકે ઘરે મૂકી જવાનું કહેતા તે યુવાન તેને પાછો મૂકવા માટે જતો હતો. આ દરમિયાન રસ્તામાં બાળકને અવાવરું જગ્યાએ બાવળની જાળીમાં લઈ જઈને આરોપીએ તેનું સાથે સૃષ્ટિ વિરુદ્ધનું કૃત્ય આચર્યું હતું.

હળવદ પોલીસને જાણ કરવામાં આવી હતી
બાદમાં બાળકને બેઠકના ભાગે દુખાવો થતાં તેને તેની માતાને આ બનાવની પ્રથમ જાણ કરી હતી. જેથી તેમની માતાના પગ તળેથી જમીન ખસકી ગઈ હતી. ત્યારબાદ તે બાળકને પહેલા હળવદ અને પછી વધુ સારવાર માટે મોરબીની સિવિલ હોસ્પિટલે લઈને આવ્યા હતા અને આ બનાવની હળવદ પોલીસને જાણ કરવામાં આવી હતી. આથી પોલીસ અધિકારીઓ પણ ચોંકી ઉઠ્યા હતા.

હાલમાં આરોપીને જેલ હવાલે કરવામાં આવ્યો
જેને લઈને પોલીસે મોરબી આવીને ભોગ બનેલા બાળકના પરિવારજનની ફરિયાદ લઈને અક્ષય રમેશભાઈ કોળી નામના  શખ્સની સામે ગુનો નોંધીને પોલીસે આગળની કાર્યવાહી કરેલ હતી. આ બનાવમાં ગણતરીની કલાકોમાં જ પોલીસે આરોપી અક્ષય રમેશભાઈ કોળીની ધરપકડ કરી હતી અને ત્યારબાદ તેને કોર્ટમાં રજૂ કરી હાલમાં જેલ હવાલે કરવામાં આવ્યો હોવાનું જાણવા મળે છે.