ક્રાઈમ / અમદાવાદમા પત્નીએ દીકરી સાથે મળી ઠંડા કલેજે હત્યા કરી,મોતને કુદરતી મૃત્યુમા ખપાવવા પુરતા પ્રયાસ,આ રીતે ફુટયો ભાંડો

• અમદાવાદમાં પત્નીએ દીકરી સાથે મળી પતિની કરી હત્યા
• પત્ની ગીતાબેન દુપટ્ટાથી કિશોરનું ગળું દબાવ્યું
• પોલીસે ગુનો નોંધી માતા-દીકરીની ધરપકડ કરી

મારના ડરથી પત્નીએ દીકરી સાથે મળીને પતિની ઠંડા કલેજે કરી હત્યા કરી દીધી છે. હત્યા કરાઈ હોવાની હક્કીત પોસમોર્ટમ રિપોર્ટમાં ખુલાસો થયો હતો. જેને લઈ અમદાવાદમાં સરદાર નગર પોલીસે હત્યાનો ગુનો નોંધી માતા અને દીકરીની ધરપકડ કરી છે. દારૂડિયા અને શંકાસીલ પતિથી કંટાળીને હત્યાનું ષડ્યંત્ર રચ્યું હતું. 

કુદરતી મોતમાં ખપાવવા પત્નીએ અનેક પ્રયત્નો
હત્યારી પત્ની ગીતાબેન જાદવ અને દીકરી ભાવના જાદવએ ભેગા મળી પતિની હત્યા કરી છે. હત્યાના બનાવને કુદરતી મોતમાં ખપાવવા પત્નીએ અનેક પ્રયત્નો કર્યા પરતું પોસમોર્ટમ રિપોર્ટમાં હત્યા થઈ હોવાનો ખુલાસો થયો છે. ત્યારે ઘટનાની વિગતવાર વાત કરીએ તો મૃતક પતિ કિશોર જાદવ દરરોજ પત્ની અને બે દીકરીઓને ઢોર માર મારતો હતો. રવિવારના રોજ પણ પતિ કિશોરએ પત્નીને માર મારી અને દીકરીને વાળ પકડીને માર માર્યો હતો. જેથી ઉશેકરાયેલી માતા-દીકરીએ મૃતક કિશોરની હત્યાનું ષડ્યંત્ર રચ્યું હતું. મૃતક કિશોર જ્યારે સુઈ રહ્યો હતો ત્યારે પત્ની ગીતાબેન દુપટ્ટાથી કિશોરનું ગળું દબાવ્યું. જ્યારે દીકરીએ પિતાના ચહેરા પર રૂમાલ મૂકી મોઢું દબાવી રાખ્યું હતું. જે બાદ હત્યારી ગીતાબેન ભત્રીજા પરાગ જાદવને ફોન કરીને કહ્યું કે, કિશોર ઉઠી રહ્યા નથી. જ્યાં હોસ્પિટલમાં લઈ જતા હાજર ડોક્ટરે કિશોર ભાઈ મૃત જાહેર કર્યા હતા. પરતું ભત્રીજાને શંકા જતા અને પોસમોર્ટ રિપોર્ટમાં હત્યા થઈ હોવાનું સામે આવતા સરદાર નગર પોલીસે ગુનો નોંધી માતા-દીકરીની ધરપકડ કરી છે.

કંટાળીને પત્નીએ હત્યા કરી હોવાનું કબૂલાત કરી
20 વર્ષના લગ્ન જીવનનો કરુણ અંત આવ્યો છે, બેકાર પતિ કિશોરથી કંટાળીને પત્નીએ હત્યા કરી હોવાનું કબૂલાત કરી છે. પતિ કિશોર અને પત્ની ગીતાના લગ્ન જીવન દરમિયાન ચાર સંતાનો છે જેમાં બે દીકરીઓ સોડા ફેકટરીમાં નોકરી કરીને પરિવારનું ગુજરાન ચલાવતી હતી જ્યારે બેકાર કિશોર દારૂ પીને પત્ની અને દિકરી પર શંકા રાખી અત્યાચાર કરતો હતો. કિશોરના મારના ડરથી ગીતા અને તેની દીકરીઓ દહેશતમાં જીવતી હતી પરંતુ ડરમાંથી બહાર આવા માટે ડરને મારી નાખવાનું નક્કી કર્યું અને રવિવારના રોજ પતિની હત્યા કરી અકસ્માતનું રૂપ આપ્યું હતું.

પત્નીને પતિનો હતો ડર
પોલીસ તપાસમાં સામે આવ્યું કે હત્યા દરમિયાન માતા અને દીકરી પર હત્યાનું ઝુનુનું સવાર થઈ ગયું હતું કે મોટી દીકરી હત્યા કરતા જોઈ ગઈ તો તેને મારવાની ધમકી આપી હતી. એટલું જ નહીં પત્ની ગીતબેન ડર એટલો હાવી થઈ ગયો હતો કે સેકન્ડોમાં પતિ કિશોરનું મોત થઈ ગયું હતું છતાં પત્નીએ પતિ કિશોરનું એક કલાક સુધી દુપટ્ટો ગળે બાંધી બેસી રહી હતી કે કિશોર જીવી જશે તો તેને ફરી મારશે.