ગાંધીનગર / CM ભૂપેન્દ્ર પટેલની અધ્યક્ષતામાં આજે મહત્વની કેબિનેટ બેઠક, બજેટ-પ્રોજેક્ટ સહિતના મુદ્દાઓ પર કરાશે સમીક્ષા

• ગાંધીનગર આજે કેબિનેટની બેઠક 
• CMની અધ્યક્ષતામાં કેબિનેટ બેઠક
• વાયબ્રન્ટ ગુજરાત સમિટની થશે ચર્ચા
• મહત્વના પ્રોજેક્ટ પર કેબિનેટમાં સમીક્ષા થશે
• ચૂંટણીલક્ષી તથા સરકારના કાર્યક્રમો પર થશે ચર્ચા

Gujarat Cabinet Meeting : દિવાળીના તહેવારો બાદ આજે રાજ્ય સરકારની કેબિનેટ બેઠક મળશે. આજે ગાંધીનગરમાં CM ભૂપેન્દ્ર પટેલની અધ્યક્ષતામાં કેબિનેટ બેઠક મળશે. વિગતો મુજબ આ બેઠકમાં વાયબ્રન્ટ ગુજરાત ગ્લોબલ સમિટને લઈને સમીક્ષા થશે. આ સાથે આગામી મહત્વના પ્રોજેક્ટ પર કેબિનેટમાં સમીક્ષા થશે. આ તરફ આજની આ કેબિનેટ બેઠકમાં ચૂંટણીલક્ષી તથા સરકારના કાર્યક્રમો પર ચર્ચા થશે. 

ગાંધીનગર ખાતે આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક મળશે. દિવાળીના તહેવારો બાદ આજે મળનારી આ કેબિનેટ બેઠકમાં અનેક મુદ્દાઓ પર ચર્ચા થઈ શકે છે. વિગતો મુજબ લોકસભા ચૂંટણી પહેલા આવતા બજેટ સંદર્ભે અને આગામી ચૂંટણીલક્ષી તથા સરકારના કાર્યક્રમો પર ચર્ચા થશે. આ સાથે CMના વિદેશ પ્રવાસને લઈ રાજ્યમાં મહત્વના મુદ્દા પર માર્ગદર્શન આપશે.